Monday, August 9, 2010

Saturday, July 24, 2010

اشتقت لكم

ما اشتقتولي ؟
يمكن إي ويمكن لا

والله أنا اشتقت لكم وايد :) .. حسيت بفراغ كبير وأنا بعيده عن مدونتي .. نسيت أيامي .. يوم أكون طول اليوم قاعده وأكتب وأكتب وأكتب شوي أصلح وشوي أعفس الدنيا .. شاللي خلاني أوخر ؟ ماكو سبب !! بس جذي مليت واهتميت بشغلات ثانيه مع أنها مو مهمه بس لهيت .. والحين ولهانه حيييييل ... ولهت عليكم وعلى ربعي كلللهمم .. شي غريب .. لا أعرفكم ولا تعرفوني بس طول اليوم قاعدين مع بعض ونتحرى أخبار بعض .. نشعر ونسولف وننقد ونتهاوش كل شي عاادي وطبيعي ..
يمكن في غيري وايد حاشتهم نفس حالتي ووخروا .. بس أنا كثر ما أروح .. كثر ما أرد :)
قعدت قبل شوي أقرا مواضيعي .. قلت وييه والله إني قديمه ..!! أقرا سوالفي واضحك لاني نسييتهم ونسيت كل هالاحداث وهالسوالف سبحان الله على كثر الامور والمشاكل اللي نواجهها .. تعدي وتمشي الدنيا وننساها الحمدلله ياربي
أتمنى الكل يكون بخيـــر .. وأتمنى اللي راحو .. يرجعون .. ما ولهتوا ؟
أشووفكم على خيـر انشالله
سيليزيـا :)

Wednesday, December 2, 2009

أمـــل مقتــــول

أحـس إنـي وسـط ليلٍ
.. طــويلٍ ناسـي فجـره
...
أعيــــش بظلمتـــه
وأســرح بأفكـــاري
إلـى المجهــــــــول
...
أفكــر وأنتظــر
صبحــي الجميــل
البــاسم وعطـره
...
وتصدمـني هواجيســي..!!
ولا الـــقى لهمــي
! حلــــول
...
انــــا مليـــــــــــت
واحســـاسي معـــاك
ارهـف من الشعـــره
...
وألـــــوم القـــــلب
..! لكنــــّه يعـــاند
وأنــــته المســـؤول
...
اريــــد ابكــــي
علــــى قلبــــي
.. وتحـــــرقني انا العــــبره
...
وأحــس بدمعتـــي الحــرّه
علــى محجــر عيونــي
تجــــول
...
تبـــي تــنزل
واعاتبهـــــا ..!
تقــول ,, شفــيك مغتــــره !؟
...
و ا قــول.. الصبـــر
يا دمعـــه
انـــا وانتـــي
نخــــل وخـــيول
...
انـــا يا ليـــــل وش ذنبي !؟
تصبــرني علـــى القمــره !؟
...
وتجبــــرني ..!
على همومـــك
أعايشهـــا بعـــرض وطـــول
...
أهـــوجس واحســـب نجومـــك
!
وقلبــــي يلتهــــب جمــــــره
...
وأضــيّع حسبتــي
وفكـــري علــى بـــاب الوصــل
مشغــــول
...
انــــا ( يـــــاصـــبح ) ..!؟
آترقـــب طلــــوعك
والامـــــــــــل بكـــــــــــــره
...
أريـــــد اتكحــــل بنــــورك
وليــــلي ينجــــلي ويـــزول
...
حقيقــــــة ؟
أو
ســــراب ؟
َانـت ..
انـــا مــــدري وش الفكــره !؟
...
أنـــــا صبــــري بــــدأ ينــفذ
واخـــــــاف انــــك
امـــــــــل مقتـــــــول
...
أريــــد تعــــيد لـــي
وقتــــــي
قديــــم وشمســــه وفجــــره
...
أريـــــد أعــــرف
أنــــا منهو ؟؟
أريـــد تفســــر المجهـــــول
...

Saturday, March 14, 2009

موسم الأعراس .. متى تخلص :(

:(
من تقريبا سنه وانا خايفه من شهر 3 هذا .. ليشش ؟ لأن كل اهلنا ما عرفو يحطون عروسهم الا بهالشهر
اعييش بمووسم اعرااس حاليا
عندي 8 عروس وكلهم كلهم من اهلنا وقراب حيل وغصبن علي لازم اروح :(
متضايقه لان الخميس اللي طاف عرس والجمعه أمس عرس بعد @@ من لههه خللق تعبااااااانه
واللي صج يضيق الخلق الخميس الياي هم عرس والسبت هم عرس
يببببببببببووووووووي
شسوي تعبت :(
كل يوم ميك اب كل يوم تسريحه كل يوم رقص وهز بس خلاص تعبت :(
متى يخلص الشهر
خلصت فلوسي على الصالونات :(
==========
My Mood
يسـألوني .. ليتهم مثلي يعيشـــون الهـــوى
الأصابـع في اليديـن الواحــــــده ماهي سوى
عندهـم حبك طبيـعي ..عندي فوق المستوى
يسألوني ..وفي شفاتي يرتعش حـرّ الجواب
ما دروا إنت بحياتي راحتـي وإنـــت العـذاب
وإنت الحلم اللي عشقته..طار بي فوق السحاب

Saturday, February 28, 2009

كيــد النســاء

كيــد النسـاء
الشاعر : محمد اشموري - اليمن


======

كيد النسـاء كيد النسـاء كيد عظيـم
كيد النسـا كالسيـف لكـنّه أشــــــد

احسب أنا للفـرح واحســـب للنعيـم
لكن حسـافه ..حسبـتي طلعت نـكد

تبكي وتشكي دمعها واصـل كريـــم
دايم أنا الظالم ..أنا البادي .. أبـــــد

أهلها ما يفهـموو منطـق سليـــــم
مهما شـرحت اللي جرا قالو..عقد

يـا ام العيال الغالية حالي آليـــــم
والبيت ظلمة بعدما ضيـك شـرد

تطلب مطالب كلها صــعبه..جحــــيم
تبي..تبي..إلـخ..إلخ..كلـه .. حســـد

وليش جارتنا حرم ....عبدالعليـــــم
ذهب،ملابس،والعطر شنشل خرد؟

هذا المرتب..افهمـوو ماهو مقيم
بيدينها يوميــــن لا أكثر و شــد

من وين أجيب اللي تبي ماني زعيم
حتى ديــــــوني معضّله دايم أشــــد

والمشكله لو انهـا زارت حريـم
تقعد تخطط ويل جفني لو رقــد

تعبت أنا يـاهووه واعلنـــــها عديم
لو قلت بسرق ما سرق عمي وجد

قارون لو مثلك تزوج ما يديــم
ويمـــد يـده راجياً جاره مــــدد

دايم تردد اهلها مطــره وغيــم
وانه ابوها شيـخ ..واخوها أسد

بنت الشيوخ..أدري..واسياد القصيم
عالراس أهلك واغربي طاااالق أبـــد

كيــــــــد النساء.. ياويلهن كيداً عظيم
واللي معـي.. تحرق مطالبها ..بــلــد

========



لوووووول
نيهاهاهاها

الشعر نكته .. فلّه .. حسسني ان احنا مجرمات ومو هينين
لوول
بس حرام يعني مو لهدرجه :((
:q
انتو خفـــوو شوي علينا