Wednesday, January 23, 2008

Women Vs Men

تحديث : أشكر الله وأحمده لرفع المقاطعه عني انا سيليزيا البريئة
لقد رجع الحق لأصحابه ورفعنا الراية البيضاء بيننا وبينهم
اشكر كل من ساندني في هذه الأزمة
متمنيه من الله العزيز القدير أن ينصرنا نحن الاخونجيه على من عادانا والله ولي التوفيق
تحياتي
سيليزيا
:p
اعتراف بيني وبينكم : لحد الآن ماني عارفه يعني شنو اخونجي
بس انا معاهم وابي انصرهم
سلام عليكم
ههههههه
Women:

A wife was not at home for a whole night. So, the next morning, she tells her husband that she stayed at her girlfriend's apartment overnight.

.The husband calls 10 of her best girlfriends, and none of them confirm that..


..Men:

.A husband was not at home for a whole night. So he tells his wife the nextmorning, that he stayed at his friend's apartment overnight.


.So the wife calls 10 of his best friends :

5 of them confirmed that he stayed at their apartments that night,
and the other 5 are claiming that he still is there with them !..



Conclusion:


.Men are better friends

:p
-------

المود اليـوم

يمه ودعني حبيب القلب .. يمه


كان ودي من كثر شوقي .. أضمه


الهوى ..يمه .. من قلبي تمكّن


اللي خبيته يا يمه الحين ..بيّن


لما نزلت دمعة تحرق من عيوني


كلّهم شافوها .. يمه .. واعذروني


في برود الثلج .. أشرلي بيدينه


وانا يمه إيدي مع لمسـة يمينه


أرتعش.. يالله .. من رعشاتي يَمه


يمشي عني .. يمه ما جنّه يهمه


مثلي مثل الناس .. مافرقني عنهم


والغريبه .. إنه يا يمه حضنهم ..!!؟


الهوى يمه على بابه ذبحنـــي


أنا خبيته ولكنّـه فضحــنـــــي


الله أقوى .. ما بقت فالقلب قوّه


توه جدامي .. إي والله يمه توّه


راح عني وانا واقف في محلي


واقف بروحي .. أكلم فيه ظلي


ألتفت ..! ماشوف يمي إلا همي ..!؟


قلت مالي يالعزيزة .. إلا أمي


الهوى يمـــه


على بـابه ذبحنـي


أنا خبيتــــــه


ولكنّـــــه فضحني


يـا يمــه

للإستماع للأغنية

-----

للحين مقاطعيني؟

:p

Sunday, January 20, 2008

تدرون شالمشكله؟ المشكله انكم فاهمين كل الأوضاع :P

الســـلام عليكم

يا حلوو هالمدونه احسها شرحه ولا شرايكم ؟ ترا القنفه اللي فوق حق البنات بس .. اي اي حق البنات بس زين تكفينا بنتحاشر عليها :p
زين ماقلتولي شلونكم؟ عساكم بخير
الجو خيااال هالايام مو مال تقعدون بالبيت بس عاد مو بالليل عشان نثلج حلاته الصبح هادي وشزينه صايره هالايام بس اطلع الصبح واحوس بالديره ..ولااا شرايج سدرة العشاق بالبرد؟؟ الوالد كل شوي يقول البر والمخيمات احلى ويقول تعالي تطمني على ارانبج هههههه يعني اغراء عشان اروح وانا ماكو ماروح معنه ودي بس هناك صج برد وانا مو ناقصه .. يحليلهم الارانب والله اشتقت لهم مادري شلون مايموتون من البرد معقوله عادي مايحسون؟ مايندرى للحين مامات واحد فيهم.
كاهم شحلوهم :))

Annaaaaaaab :p

اليوم رايحه اتريق بشرق مع اختي وبنت خالي وطبعا صارلي موقف حدث ولا حرج والله شي عجيب من بداية الموقف لي الحين وانا ميته ضحك :)) بس بربر بيروت عليهم فتووش خطير

هذا ما تبقى من الريوق بروحنا عاد عصافير ناكل لقمتين وخلاص شبعنا



فشله عفيسه ;D

الناس تصور قبل الاكل وانا بعده لوول سويت هجوم على طول :))
واحنا طالعين وعالاشاره وكانت حمره فوقفنا ولا واقفه يمنا سيارة حسيت اللي داخلها اعرفه جان يطلع دعيج الخليفة هالانسان لا تعليق صراحه


الحين خلونا من دعيج وشوفو هالصورة وصلتني ايميل

ماقول الا ياسلالالالالالالالام


شتطالعوووووون @@ لقطه قوية صراحه

ولا هذا الاعلان هم كان يايني ايميل من زمااان توني اقراه بس أماا اعلان خطيررر

خوش تنويه :) صاجين

-----


هذي الرسمه حق الغالية الخيــــــلاء وباجي الرسومات اللي عندي كلها حق ايمن المالكي :)

طبعا هالصورة رسمة مو انسانه حقيقيه مجرد وحي من الخيال :)


الحين من هالرسمة بنتقل حق رسومات بس عاد من نوع ثاني !!

رسومات الاعلانات بالباصات طبعا




يونسووووون :)))
طبعا المقصود من وضعي لهالصور هو نداء انهم يعدلون اعلانات باصاتنا ماعندهم غير جريدة الراي على هاللامبرجيني ولا خدمات فاست تلكو تكفون نبي شي يديد :) اعلانات وشغل سنع نفس هالباصات
صج اني ماركبهم بس كفايه يعطون منظر حلو وناس وايد يركبون واحس هالشغلات تونسهم :) لا تقولون لي شكو؟ بس انا احس جذي :)
----
الموود اليوم أغنية قلبي معك مالت الرويشد
غبار صح :) تعجبني شسوي خاصه توزيع الموسيقى فيها ههههه عجيب والله
تقووولكم الاغنية
طبعا اول شي
ترن تران ترن تران ترن ترن ترن تران هههههه والله خطيره
بعدين موسيقى سريعه لدرجة تخليني احس جني قاعده اركض ورا شي ولا راكبتلي حصان والحقلي شي
بعدين
قلــــبي معك يا مشغل البال ملتاع
ياللــــــــــي تدور ما يزيد التياعي
المشكــــله انك فاهم كل الاوضاع
وما للهجر في الحب يا زين داعي
( كورال)
(احلى مقطع)
خليت قلبي يرتجف بين الاضلاع
يصبح علي الصبح ما نمت واعي
فيك الرجا يا مشقي الروح ماضاع
وعيت عيوني لجل غيرك تراعي
(كورال)
ياللي عيونك حلوةٍ سود ووساع
معذور لو جيت الهوى باندفاعي
ياما نهيت القلب لاشك ماطـــــاع
راضي بغرام اللي سعى في ضياعي
(كورال)
ترن تران ترن تران ترن ترن
(النهايه)
للإستماع

-------

مهندسنــا يقول اني صايره اخونجيه على هالاغنية اللي حاطتها بالبلوق

ههههه الحين هذا جزاي وانا ادور طول الليل اغنية حق ديرتي حبيبتي ويصير تنزل بالبلوق وما القى غير هذي وكلماتها حلوة بعد اخرتها طلعت اخونجيه

ماني مغيرتها

اخونجيه اخونجيه

وسلامتكم فمان الله

:D

:p

Friday, January 18, 2008




أبدأ هنـا مجدداً وأطل عليكم بنافذة جديدة أعيد بها ما تعودتم عليه وأنثر إليكم منها إشراقات سيليزيا مليئة بحبكم والحرص على التواصل معكم ولو كان يتطلب مني الأمر فتح باب مدونة جديدة فلا بأس فمتابعتكم غاية ومدونة جديدة وسيلة لهذه الغاية
المدونة السابقة أصابها عطل وخلل لم أستطع حله والسبب الرئيسي للعطل هو " لقافه مني " تسببت لحدوث هذا الخلل الذي جعلني أضطر لفتح هذه المدونة فعسى أن يكون في الأمر خيره :))
لا تستغربوا فبالرغم من خبرتي ببعض الأمور الإلكترونية إلا أنني مازلت " عدووووة التكنلوجيا " الوضع طبيعي لدي فلقد تعودت على معرفة هذه المعلومة عني وتعايشت معها جيداً وعطل المدونة السابقة أثبت صحة هذه المعلومة
شكـرا لكم ولتواصلكم ولنبدأ من جديــــد فأنتم إلهام مدونتي
Selezya