Sunday, January 20, 2008

تدرون شالمشكله؟ المشكله انكم فاهمين كل الأوضاع :P

الســـلام عليكم

يا حلوو هالمدونه احسها شرحه ولا شرايكم ؟ ترا القنفه اللي فوق حق البنات بس .. اي اي حق البنات بس زين تكفينا بنتحاشر عليها :p
زين ماقلتولي شلونكم؟ عساكم بخير
الجو خيااال هالايام مو مال تقعدون بالبيت بس عاد مو بالليل عشان نثلج حلاته الصبح هادي وشزينه صايره هالايام بس اطلع الصبح واحوس بالديره ..ولااا شرايج سدرة العشاق بالبرد؟؟ الوالد كل شوي يقول البر والمخيمات احلى ويقول تعالي تطمني على ارانبج هههههه يعني اغراء عشان اروح وانا ماكو ماروح معنه ودي بس هناك صج برد وانا مو ناقصه .. يحليلهم الارانب والله اشتقت لهم مادري شلون مايموتون من البرد معقوله عادي مايحسون؟ مايندرى للحين مامات واحد فيهم.
كاهم شحلوهم :))

Annaaaaaaab :p

اليوم رايحه اتريق بشرق مع اختي وبنت خالي وطبعا صارلي موقف حدث ولا حرج والله شي عجيب من بداية الموقف لي الحين وانا ميته ضحك :)) بس بربر بيروت عليهم فتووش خطير

هذا ما تبقى من الريوق بروحنا عاد عصافير ناكل لقمتين وخلاص شبعنا



فشله عفيسه ;D

الناس تصور قبل الاكل وانا بعده لوول سويت هجوم على طول :))
واحنا طالعين وعالاشاره وكانت حمره فوقفنا ولا واقفه يمنا سيارة حسيت اللي داخلها اعرفه جان يطلع دعيج الخليفة هالانسان لا تعليق صراحه


الحين خلونا من دعيج وشوفو هالصورة وصلتني ايميل

ماقول الا ياسلالالالالالالالام


شتطالعوووووون @@ لقطه قوية صراحه

ولا هذا الاعلان هم كان يايني ايميل من زمااان توني اقراه بس أماا اعلان خطيررر

خوش تنويه :) صاجين

-----


هذي الرسمه حق الغالية الخيــــــلاء وباجي الرسومات اللي عندي كلها حق ايمن المالكي :)

طبعا هالصورة رسمة مو انسانه حقيقيه مجرد وحي من الخيال :)


الحين من هالرسمة بنتقل حق رسومات بس عاد من نوع ثاني !!

رسومات الاعلانات بالباصات طبعا




يونسووووون :)))
طبعا المقصود من وضعي لهالصور هو نداء انهم يعدلون اعلانات باصاتنا ماعندهم غير جريدة الراي على هاللامبرجيني ولا خدمات فاست تلكو تكفون نبي شي يديد :) اعلانات وشغل سنع نفس هالباصات
صج اني ماركبهم بس كفايه يعطون منظر حلو وناس وايد يركبون واحس هالشغلات تونسهم :) لا تقولون لي شكو؟ بس انا احس جذي :)
----
الموود اليوم أغنية قلبي معك مالت الرويشد
غبار صح :) تعجبني شسوي خاصه توزيع الموسيقى فيها ههههه عجيب والله
تقووولكم الاغنية
طبعا اول شي
ترن تران ترن تران ترن ترن ترن تران هههههه والله خطيره
بعدين موسيقى سريعه لدرجة تخليني احس جني قاعده اركض ورا شي ولا راكبتلي حصان والحقلي شي
بعدين
قلــــبي معك يا مشغل البال ملتاع
ياللــــــــــي تدور ما يزيد التياعي
المشكــــله انك فاهم كل الاوضاع
وما للهجر في الحب يا زين داعي
( كورال)
(احلى مقطع)
خليت قلبي يرتجف بين الاضلاع
يصبح علي الصبح ما نمت واعي
فيك الرجا يا مشقي الروح ماضاع
وعيت عيوني لجل غيرك تراعي
(كورال)
ياللي عيونك حلوةٍ سود ووساع
معذور لو جيت الهوى باندفاعي
ياما نهيت القلب لاشك ماطـــــاع
راضي بغرام اللي سعى في ضياعي
(كورال)
ترن تران ترن تران ترن ترن
(النهايه)
للإستماع

-------

مهندسنــا يقول اني صايره اخونجيه على هالاغنية اللي حاطتها بالبلوق

ههههه الحين هذا جزاي وانا ادور طول الليل اغنية حق ديرتي حبيبتي ويصير تنزل بالبلوق وما القى غير هذي وكلماتها حلوة بعد اخرتها طلعت اخونجيه

ماني مغيرتها

اخونجيه اخونجيه

وسلامتكم فمان الله

:D

:p

35 comments:

Sara said...

loooooooooooooooool 3ad 9ij bs sema3t le'3neyaaaa et-thakart ayaaaam lente5abaat bl jam3aa :>

5osh post akthar min ywanes :>

y36eeeeeeeeech el3afyaa :>

someone_q8 said...

السلام عليكم
مبروك البلوق اليديد
وبعدين الحين ايهو نعتمد البلوق هذا ولا القديم ؟؟؟؟؟؟؟؟
:)

حمودي said...

مبرووووووووووووك على النيو لوك وايد وايد اشرح
:)

Selezya said...

سـاره

لووول ادري يمكن كانت حقهم بس مو متاكده

يعافييج حبيبتي :))



انسـان كويتـي

يبارك بعمررك وفبنتك بعد :))
خلاص اعتمد هذا هذاك بح

Selezya said...

حموودي

الله يباارك بعمررك

حاضريين الشغل العدل موجود كله عندي
:P

Q8i_Blogger said...

اول شي قولي ما شاء الله .. لاتحدسين ارانبج :)

وبعدين الصوره الي بالمجلس .. يعني مجابلين هل نواب وصراخهم .. وتدش عيهم وحده جذي
هذي رده فعل لأي انسان بقاعه عبد السالم
واهي خل تلبس عدل بعد

ونشيده حلوه .. لا يهمونج العذال :P

حياتي هدف مو عبث said...

كان عندي أرنب إسمه ميمي ومات
من البرد ههههه ديربالج عليهم
واذا ماتوا لا تقولين طقيتهم عين :p

بعد ينقص ويهي :(

والصوره اللي بالمجلس حدها تفشل
ومثل ما قال بلوقر خل نلبس عدل
لأنها رايحه مكان كلها رجال :p

وصورة اللي معلق على الباص حدها عجييبه

والصوره اللي راسمينها امبيه جنها صج
شلون تخيلوا جذي هالشكل هههه

وترى النشيده واايد حلوه

:*

فتى الجبل said...

ليش ما تعطون الأرانب يزر؟
وأهم شي اني ماروح مجلس الأمة عشان مانفضح مثل الاخوان اللي فضحتهم عيونهم

joy said...

وااااااااااااايييي
صويحبتي الاخونجية شلوونج

كيفج يبا حطي اللي تبينه
صوتهم حلو ماعليج ونشيدة جيدة

الانب حنام
اليوم حاطيين بالجريدة سعودي حاط دفايات حق خرفانه عاد مانوصيج حطي دفاية طليانية مو صيني لا تحرق مخيمكم

وصح نيو لووك شرح الابيض حلو حق اللي ما عنده يهال هذا اللي نقولله دايما
:)

مبروووووووووووووووووك

خوش صور باصات حظي على باصاتنا
يحطوون اعلان وماينشال لين ايسود من الديزل

اما هذا اعلان الكويتين خيحطوون اسمي وياهم
:)

5roofa said...

لوووووووووووووول والله بدعتي

تره هذي الرسمه الي راسمينها انا
:P

صجيه مو خيال لوووول حدي ثقه ادري

امبي الارانب يشوقون بس ماحبهم من بعيد لي بعيد
و الباصات تصدقين باصات ايران احلى من الكويت لوول

صج مبرووك على النيو لوك حده روعه و القنفه مال دفايه يمها و بوبكورن و ديفيدي وره ديفييدي لوول

مبروك مبروك لا صج هذا احلى الصراحه لوول

اما الاغنيه الصراحه اشوه انه لقيت احد يسمع اغاني قديمه لانه انا الكل يقولي لابتوبي يكح غبار من الاغاني القديمه لوول بس عجيبه حدهاا

و الاغنيه احم ما مسعتها بعدين اقولج ليش لوول

:p

salamz dear...

بعثرة مشاعر said...

يحليلهم
لووووووول
أرانبي و أرانبي و ماتدرين عنهم

لوول جنج اياي
كنت شاريه سلحووف بس اصور فيه
بعدين خليته مادري عنه
جان يموت

:(

بصراحه الرسمة فنانه
صج عاد رسمه !
جنها صج ماشالله

و النشيدة شحلاتها لا تغيرينها
:)
أنا كنت حاطه وحده و الحسن سكتت مادري ليش
أبي اغيرها مو عارفه
و توهقت

فريج سعود said...

واحنا ما شغلتنا الا نلاحقكم من مكان لي مكان شفيه بلوقج القديم شزينه
بس هم مبروك البيت الجديد
بعدين الصورة الي بالمجلس لاتلومون فيها الشباب فقط لوموا الي لابسه حق ديسكو ورايحة المجلس
واخيرا ريوقكم كان بعد المقبلات الي حاطتها قولي الصج

darkness said...

خوووش غنفه

:)

و الارانب حدهم كيوت

و الرسمه متاكده رسمه؟؟


جنها صجيه


انا اول ما شفتها قلت ويه منو مصورني و دازها لسيليزيه؟؟؟

:p

Eng_Q8 said...

شسويتي فيني انتي

سووني عذال والي سواني كافر والي يقولي مالج شغل في

اشم ريحه مؤامره ضدي :))

يبا زينه النشيده زينه

خلاص ماني معلق مره ثانيه هونت ماادري ليش يبون علي الشاره

شسويت انا ؟؟؟ الاخونجيه كثروا بالديره :))


ماني معلق خلاص اعتزلت التعليق عندج :)))

وماني قايل شي

بس احب هالمقطع


ياللي عيونك حلوةٍ سود ووساع
معذور لو جيت الهوى باندفاعي
ياما نهيت القلب لاشك ماطـــــاع
راضي بغرام اللي سعى في ضياعي

Selezya said...

q8i-blogger


لوووول مااشالله اسمالله علييهم

وبعديين شهالعذررر؟؟
لا يبه انتو كله جذي بالفطره

:p


حيتي هدف مو عبث

@@ ماتوا ماتوا
كلله منج
ايييي كله مننج
:p
اتغشمر لا تصدقين :))
انا ممالي شغل شلابسه لا يقص عليج بلووقر ترا الرياييل كله جذي نظراتهم
لوووول شفيني مسويه حرب عالراييل اليوم
حبيبين حبيبين:p

:**


فتى الجبل

لا احنا نحب نوفرلهم بوفيه من الخضروات عشان صحتهم وبعد عشان ماتلوع جبدهم كل شوي يزر يعني مراعينهم :))
واحسن لا تروح تتوهق عاد شيفكك بعدين :p

Selezya said...

جــوي


لووووول هلالالا تماام تمماام
ايي حنااام :(( كله بردانين وانا ما اييلهم :(( حنام
:p لووووول اننااا اول خل اروحلهم عشان احطلهم دفايات
مشكوورة يالغاليه ويباارك بعمررج انشالله :)
شنسوي على باصاتنا الشكوى لله :))
:**


خــرووفه

لوووول حلفي؟ تصدقين حسبالي انا؟
لووووول
يبارك بعمررج حبيبتيي:))




بعثـرة مشاعر

لووووول
لا انشالله مايموتون موصصيه الكل يحرصون عليهم لوول وطبعا انا نايمه بالعسل

ماني مغيرتها بعطيها حقها شوي
:))
:**

Selezya said...

فـريج سعـود

لوول شنسوي بعد حدتنا الظروف
ويبارك بعمرك يالغالي :)
ككك والله هذا كان الريوق ومع عصيرين برتقال وواحد فرواله
;)


Darkness

لووووول شلون مو صجيه اذا اهيا انتي
؟

كل صوركم دازينها لي ماشالله
كل وحده قامت تقول هذي انا وانا طول الوقت حسبالي انها انا اخرتها طلعت انتو
لوول تكفين فهمتي شي؟
:p

Selezya said...

مهنــدسنا

انت عاد تعليق بروحك حقك مقك

:D

لوول شفيك نتغشمرر والله انت منا وفينا عادي نمووون صح ولا غلطاانه ؟
وماكوو مؤمرات ضدك احنا اذا بنسوي مؤامره انت لازم تكون عضو معانا ومركزك كبير بعد افا عليك بس
وبعدين مو بكيفك تعتزل التعليق عندي ههههه مش بالسهووله ديي

:) اتغشمر ياخوي

صقر قريش said...

عاد بروحي ماحب الأرانب عندي حساسية ضدهم اما عن صورة الأخوان والبنية بصراحة فطست من الضحك وصراحة البنت لازم تلبس عدل يعني تلقين هذيله الي طالعوها ياواحد متزوج ومرته زافته او واحد شايف محمد الصقر وهو يتكلم فلما مرت هذي حب يستمتع :)وبالأخير
شفيهم الاخونجية ؟؟ ومبروك على المدونة .

الخيلاء said...

مساء الخير :)

الارانب يشوقون ... احب الحيوانات بس ما احب البر :)


هالايام حلاه الطلعه الصبح اتهبل و الجو كل يوم احلى من اليوم الي قبله و عليج بالعافيه الريوق



سيليزيه .. تسلمين على هالرسمه العجيبه .. الصراحه هذا الفن ولا بلاش .. حسافه اني ما اعرف ارسم :"(



الباصات اتشوق .. لو هذيل باصاتنا محد شرى سياره .. قويه صح لول


الصور .. فشلونا مايستحون لول


و الاعلان .. لا تعليق الصراحه


و الاغنيه .. حرام عليج البلوق يديد ترستيه غبار .. الحين الله يعينج على تنظيف هالغبره .. اذا تبين مساعده ترى حاضرين ..


بس خوش اختيار ... يستاهل تعب التنظيف :P

New Bride said...

loooool ove your new blog :)

o ma 3aleeech nice song

the bride pic is not real !!!

waay bacher enshalah baroo7 atryag b sharg :)

esTeKaNa said...

يه يه
شنو هالبلوق الشرح
حسيت اني ابي اركض
لا تقولين لي ليش
لوووووووووووووول
:)))
يا حلو الارانب وعليه
ليش كسرو خاطري؟
!!
وعليج بالعافيه الريوق
انا نفسج
صايره استانس على طلعات الصبح
بس الحين الناس بدت تعطل وبدت ترجع الزحمه
:(
واي لا يحون دعايات على الباصات
انا كله تطير عيني واسرح وانا اسوق
:)

`~MnO YeNSa! ~` said...

zooooooooqa eyanin mashallah , el kalam o el colors simly KELSHY :*

hathi entii ...;)

Fahad Al Askr said...

يرحم أمج

ليش أناشيد

وين قاعدين بمقر الائتلافية

نبي فيروز

في مشكلة بذائقة الأغاني

صبا said...

هلا والله بخيتي الغاليه الي احبها واااايد وما ادري ليش

البلوق اليديد روعه مثلج يالغاليه وماعليج مهندسنا يتغشمر اهو قالي


بعدين الارانب يهبلون وتصدقين لما احد يسالني شنو الحيوان الي تحبينه اقول ا لارنب
قبل عندي ارنب بس الحين قطوه

تحياتي يالغاليه

AnGlOpHiL said...

اهليــــن سيليزيا

شخبارج؟

البلوق هذا احلى و اريح من القديم :)

عاد اختي الصغيره ذبحتني تبي ارانب..و انا ماحب الارانب

الفتوش حلو..انزين شلون التبوله؟


و انا مع بوعسكر و الباش مهندس..نبي اغنيه نبي لحن ..على هالنشيده اتخيلت الائتلافيه مسوين دائرة حوالينج و قاعدين ينشدون

بو حامد said...

تبين الصج

هالمدونه شرحه :)

خلج عالالوان الفاتحه

وديري بالج لا تجربين بهذي المدونه

روحي جربي بالقديمة لما تنجح التجربة طبقي اهني

Selezya said...

صقر قريـش

هم مو عذر :p
الله يبارك بعمرك وحياك الله شرفتنا بهالزياره الحلوة :)


الخيــلاء

لوول عادي حتى انا ماعرف ارسم
معني اتفنن برسم العيون فقط لا غير :))


عروستـنا

لوول ماتبيني اروح وياج ؟ والله ترا اعجبج راح تشوفين عجايب اذا طلعت وياج :) بس اخر الطلعه راح تتندمين انج خذيتيني نفس الباجي ههههههه لو تدرين بس :)) ويدرون اني مسكينه ماسوي شي
:p

Selezya said...

استكـــانه


لوول لا عيل خلاص لا يرسمون عليهم
انتي اهم منهم اخاف تضيعين ولا يصير فيج شي
:))


ركضي ركضي لووووول تسابقيني؟
:p



منـو ينسـى


لووول لا انا احلى :p



فهـد العسكـر

اووه لا دام بعلي مو عاجبه خلاص يبه بغيير
وبعديين شنوو في مشكلة بذائقة الاغاني
انا اصلا من فتحت المدونة وانا كله فيرووز لمن حاشتهم ضررربه سننعه صار ماكو شي يشتغل وياي الا اللي تسمعه :)

Selezya said...

صـبا


امبيه احرجتيني لوول حبتج العافيه يالغااليية :***

كلامج خلاني انخش على طول تحت الكمبل ماقدر والله
لوول
:p



Anglophil

هلالاا بانجلووو

لا تشتريلها انا بعطيها ارانبي كلهم والله مادري متى صاروا ارانبي بس الكل ارانبج وارانبج ههههه ماطلبت احد يشتريهم لي بس يالله خلاص صاروا حق اختك

وبعدين شنووووو تبوووله @@@@@
الله يكرررم النعمه
لا تكلمني عن شي اسمه تبوله وككاو باونتي الا هالاثنين

وانشالله خلاص بغيرها تامرون :)

Selezya said...

بـو حـامد

ههههه لاااا ماكو تجاارب تووبه :))
منورناا :)))

الأستاذ بلاليط said...

مبرووك عليج المدونة نيو لووك

ربي يحفظج
و اشكرج على تواصلج الدائم في مدونتي المتواضعة

ولد الديرة said...

منزل مبارك

الصورة اللي يمها ثلاثة شباب بو لحية اللي على اليمين فيه من فهد الخنة
!

Very.Q8ya said...

AMBEH HATHEY MO RASMA?!?!?! haw!! sha7am o la7am sejjeeeeeeeey!=[

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室