Sunday, February 3, 2008

حبيب .. حبيب !؟

تحديث :
الحكومة تراقب المدوّنات
بعد اقتراح هذا القـرار لفرض الرقابه على المدوّنين .. أنصح أنا سيليزيا جميع أخواني وأخواتي السيـاسيين بقراءة كتـاب كليلة ودمنـة لإبن المقفع لتعلم أصول وفـن الكتـابه على ألسنـة الحيـوانات إلى أن يقـترحوا اقتراحاً آخراً بمنع المدوّنات نهائياً
وكتـاب كليلة ودمنه لمن لا يعرفـه هو مجموعة من الحكايات تدور على ألسنة الحيوانات ويبث من خلالها ابن المقفع آراءه السياسية في المنهج القويم للحُكْم
لنكن كإبن المقفع
----
انااا رديت لعيوونكم انا ردييت ...
مرحبا :) شلوووونكم عسااكم بخيرر
اخواني اخواتي .. اعتذرر عن هالفتره اللي قطعت فيها موو من عوايدي ما انزل بوست طول هالفتره او ما ازوركم بس اعذرووني والله انشغلت ومسؤولية بيت ويهال وريل ووو تعرفون بعد وين اقدر اقطع نفسي مني ولا مناك وهم بعد لابتوبي تنح جم يوم لمن سنعته يعني بالنهايه شغلات وايد يتني فوق بعض وبديت ارتبهم شوي شوي
المهم انشالله اعتذاري مقبول :) وانشالله ما تنعاد
---
حبيب .. حبيب



كلمه منتشره جداً بين فئة الرجال فقط .. وهالكلمة طبعاً ما تنقال إلا بعد مده طويله من رفع ضغطهم لواحد منهم .. يعني مثلا .. تشوفون تجمع من الشباب ربع قاعدين ويسولفون بس القعده ما تحلى لهم الا اذا كان هاليوم مخصص حق رفع ضغط واحد فيهم .. فيقعدون يمسكون عليه اتفه الاشياء وروووووووح اضغط ومايخلوون بالريال المسكين شي .. يعني لو يروح ينتحر اشرف له .. والريال تلقون ويهه صاار حمممر والحااجب حدده مرفوع والاعصاب صاارت تلفانه ما بقى فيه شي ما ضحكوا عليه ..وبعد كل هالهجوم عليه ولما يشوفون ويتأكدون ان الشاب المسكين خلاص اكتفى وزياده من هالضغط يختمونها بكلمة .. حبيب .. حبيب .. مع الابتسامه الكبيره .. وكأن هالشاب ناطر هالكلمه منهم .. لان بمجرد يقولونها .. كل هالاعصاب وكل الغضب وكل الكلام اللي انقال له يتلاشى بسرعه خيالية ويرد الوضع مثل ما كان في البدايه سوالف وغشمره من غير ضغط ..
* الشاب اللي ينحط بهالموقف يحتاج منه روح رياضيه قوية جداً يتحمل فيها كل اللي يجيه

لا تقولون لي انتي شدراج وتشكون فيني لوول بس كفايه يصير هالموقف جدامي كل يوم بين اخواني ودايماً لما يخلصون اقوم انا واهنئ صاحب الروح الرياضيه على هالتحمل والصبر

خلوا روحكم رياضيه ولا تزعلون من أي كلمة .. تجاهلوا الناس اللي ماعندهم غير رفع الضغط واستفيدوا من المواقف .. وتأكدوا إن الإبتسامه أحلى شي فالدنيا :)
وحبيبين .. حبيبين
:p

42 comments:

سدرة العشـــاق said...

والله انتي اللي حبيبه

مو تقطعين نوبه ثانية ما نستغناش

:)

سدرة العشـــاق said...

اوه اول كومنت يه يه يه ما اعبر

:)

ManalQ8 said...

Salam dear
Allah with you, very busy mum


Nice post as usual

You are always with latest behaviour in Kuwait environment

But for me
I think every thing must be limited
Especially JOCKING

And in Kuwaiti culture
Even children laugh on each other
And some times they become over
To allow themselves to make fun of older people
And at the same time
You see their parents are laughing as well


Any way

Thanks for the post

فتى الجبل said...

شغلج كنتي ضاغطه أحد:p

Salah said...

If you have nothing to do and very very bored, bullying others is always the answer!

join us to make fun of other people!

that's a very a Kuwaiti style!

Thanks for the post.

Eng_Q8 said...

عاد ياي بقولج اشعرفج بهالسوالف

بس صدتيني

حبيبه حبيبه :p

ولكم باك ترى مره ثانيه انذار

5roofa said...

لوووووووووول

ولله ضحكتيني انا قلت هالبنيه شعرفها
طقتني البوه

اشوه شحتيلنا يا معوده جان هونت و ماخذيتج معاي كشمير
:P

لا عاد شوفي انا بالضغط يعني تشوفين قبالهم اتحمل و اضحك و جنه العيد
بعدين ارد البيت ابجي

والله عاد الواحد حدوود مو مال ضغاط و ياكرهي لي شباب و يضغطون بنت انا اموت لمه اخوي و ولد خالتي يبلشون علي

وااي اخر شي ابجي قباله لوول حدي افشل ادري

لا تقاطعين كل هالفتره تره ماخذج كشميير

مذللللللللله لووول لا شدعوه افا عليج اذا ما شالتج الطياره يشيلج الجناح
عادي عادي
:P

salamz sweetee....

SHISH said...

Welcome back..
mo tag63een again ..

7abeebah :P

الخيلاء said...

صج فقدتج .. كلش مو من عوايدج .. داخله بسال عنج يوم شفت بوست يديد تطمنت :)


مع جذي ناس لازم تلعبين تنس .. اهم يرمون و انتي اتردين ليما يطيح حيل واحد فيكم ;p

vancouver said...

مسااااااااااااامحينج

بعد مانقدر
:))


انا كللللللللللللش مااحب هالاسلوب

الغشمره ترى لها حدود ولها وقتها
مو على اي حزه

والكلمه مااحبها
حبيب..حبيب

عقب شنوووووووو
؟؟؟؟

حياتي هدف مو عبث said...

حبيبه .. حبيبه

:*

ولد الديرة said...

الله يهني حبيب بحبيبة

بالتوفيج :)

بابل said...

هلا سيليزية

والله هذي الغشمرة حلوة بس بحدود

ينى ماننتقص من قدر صاحبنا

ولا نجرحه بكلمه تخليه يكرهنا ويكره نفسه

بس في ناس غرامها هالسوالف بأستمرار

وحد التجريح


وكلمة حبيب دايما تكون كلمة الرضا

بس مرات بعد فوات الأوان


هلا برجعتك عزيزتى


وبس


بابل

حمودي said...

اي عادي هالشي
وياما كنا ظحايا او كنا احنا اصحاب الجريمه فعادي
:)

bo rashed said...

حتى بهذي مناشبينه

مو كافي طلعنا من الجنه بسبتكم

:)

حبيب حبيب

~`MnO YeNSa`~ said...

حبيـــــــــــبه
حبيــــــــــــــــبه

:*
ونسني بوستج :*

أجمل وطـن Q8 said...

ولــكم باك

.
.
.

كــلش شي بــحدود

لان مرات مثلا يمسكون واحد ويمسحون فيه الارض علبونه غشمره وبعدها يقولونله حـبيب

انت خليت فيها حبيب !!


انا اقبل الغشمره لـكن بحدود ومع اللي ميانه معاهم

اما غـيره فــ لااا


يعطيج العافيه

بولمعه said...

ديد ديد

بولمعه عنده موضوع يديد

صج دعله

حمد said...

حبيب حبيب

يعني ضغطتك لين شبعت واخر شي ما تقدر تزعل واذا زعلت طق راسك بالطوفة لانك

حبيب حبيب :)

very.q8ya said...

LOOOL ma7ad chaaak'hom ella Selezeyaa :P 3arfatlohhhum! LOL ana gayla dasha il-jaish o e3refat il-bent il-mestakhabeey wil-mastoor ib-solokeyaaat shabab hal-yomain lol

o bil-nehaya lil-yameen DURRR LOL

7abeeeeeeeeeeeeeeeeeeeeb! :P

乂♥Not.ViRGo♥乂 said...

:)
و هذي ابتسامه من ويهي لج
:)

طقوس عيال الكويت
وإلا اي هندي ينادووونه محمد
شكووووو ؟!!؟
:)

Selezya said...

سـدرة العشـاق


:$ بتووووووب
:**
----
منـال

يعطيج العافيه .. اكيد حق كل شي حدود لكن شبابنا بهالموضوع وايد ترا يتمادون وكل شي يرجع لتربيته :)
-----

فتى الجبـل

شدراك؟ :p
ليش يعني مو توه احد ضاغطني وطلعت حرتي هني؟ لوول
-----

صـلاح

شهالستايل عاد اللي ماله حدود :)
bad style
منورنا :))
----

خروفتـنا

لووووووووول يعني ياحظي بروح وبقعد بدوانيات وقعدات رياييل ؟؟ والله تلوع جبدي جان كل شي ضاغطيني
:P
ترا صج صج ضغطتيني عدل بسالفة كشمير شكلي انا اللي بهون لوول
:** فديتج ومالج شغل فيهم كلش ولا خروفتنا لا تبجي دموعها غاليه ترا :)
----

Shish

u too 7abeebah :p
:*
thanks honey
----
الخـيلالاء

وانتيي يوم كتبتي الكومنت كنتي ببالي :)
يعني انا فقدتج بعد بغيبتي :))
انا ماني لاعبه :p

---

فنكووفر

انااااا ادرري !!!؟
يبطون الجبد :p

---

حياتي هدف مو عبث

اكيييييد؟ ;)
:p
وانتي بعد يالغاليه :)
----

ولد الديره

آمين :)

----

بـابل

وينهم عن كلامك بس :)

---

حمودي

اكيد عادي؟ يعني نبلش اول ضغط فيك؟
:p

---

بو راشـد

يــس :) بكل شي افا عليك
:p

----

منـو ينسـى

انشالله دووم مستانسه وحبيبه :))
---
اجمل وطـن

:) وانا كمااان
منورنـا
:)
----
بو لمعة

انشالله يالدعله
---

حمد

هههههه بالضبط
:))

وانت حبيب حبيب
----
very.q8ya

لووووووووووول
والله انتي اللي عارفتلي لوووووووووول
نطري نطري بتشووووووفين بلالاوي كله هذا من التجنييييييد موو الجيش لوول
:***

والله انتي صج صج حبيبه :)
---
乂♥Not.ViRGo♥乂

لوول شدرااني !!؟
شمعنه يعنييي
؟؟!
:))) عسا دوووم هالابتسامه

Selezya said...

مهنـدسنـا

:p
اموون انذار انذارين ثلاث اربع شالمشكله ;)

حبييب حبييب :p

حياتي هدف مو عبث said...

إييي أكييد أكييد

;>

بولمعه said...

الله هذي موسيقتي المفضله

قومي اوقفيلي وارفعي البوشيه

:P

بعدين يعني ضاغطينه ومطيحين حظه شيقولوله

تصبح على خير

حبيبه حبيبه

darkness said...

سيليزيه تهقين ان سالفة الرقابه نوع من الدعابه و الاخو اللي بيراقب بالاخير بيقول

حبيب حبيب

؟؟

Krakatoa said...

صحيح وتحصل كثيرا في الدوانية..لكن في العاده الشخص المضغوط..يكون متقبلا للضغاط..بمعنى يتحمل اصلا..هالكبس..مو واحد دعله

vancouver said...

بالله عليييج اكو احد ما يعرف كليله ودمنه

ههههههه


عجبتي الكلام على لساااااان الحيوانات

هههههههه

انا بغير اسمي
من الحين
الى
الحمل الوديع
!!
وقال الحمل الوديع لاخيه الثعلب المكار
من راقب الناس مااااات هما(ن) هههههههه

Very.Q8ya said...

A7LA TA7DEEEEEEEEEEEEEEEETH! 3asa bas yegron o ye6abQoon!


shegardiyya akhayteey, wallah enich khoush mujannada lol :P

Q80 Blogger said...

@@

اشدراج ؟؟؟

:O

Té la mà Maria - Reus said...

very good blog, congratulations
regard from Catalonia Spain
thank you

Common_Sense said...

3ad enty shaklech ro7ech reyatheya oo tet7amelain elthaag6 ;p

salmeely 3ala el3yaal oo oboohom ;)

oo eb6rejech, I know u will like it ;p

http://www.ma6goog.com/

MaNaYeR said...
This comment has been removed by the author.
Selezya said...

حياتي هدف مو عبث

ادري :p

--

بو لمعة

استمتع فيها :p

----

جـاره القمـر

لووووووووووووووووووووول
تهقيييييين؟؟

-------
karkatoa

عيل ياكلها ويتحمل :))

نورتني بهالزياره الحلوه :)

---

فنـكوفر

لوووووووول حددده ينفع والله .. انتو بس جربوا بس لازم نكون فاهمين بعض واللي يراقب ضايع بالطوشه :)

----

very q8ya

لووول يلااا نببببدي؟؟؟
تعلموا بس :)

----

بـلوقر

العصفوره قالتلي :p

---
regard

thanks alot :)
--

Common Sense

:) شدعوه سلم بالاول .. هاور يو؟
ثانكس ومتابعه الموضوع من بدايته على فكره :)

فريج سعود said...

الظاهر اخوانج ضغّيطة درجة اولى عرفيني عليهم اتوقع يرهمون وياي

someone_q8 said...

السلام عليكم
من طول الغيبات ياب الغنايم

لا اتطولين مره ثانية اختي وجودج يسعدنا
والله يعينج على اللوية اللي انتي فيها قواج الله
وسالفة الضغاط ما احبها وايد يعني احبها تكون معقوله ولاتزيد عن حدها لان توصل النفس الى درجة الكراهية والحقد وهذا محد يرضاه خصوصا اذا كان المضغوط فيه سكري ولا ضغط ما تدرين شنو يصير فيه وايضا ساعات يغصب
الواحد ومايدري شنو يسوي والغضب منهي عنه :)

لكي مني كل تحية واحترام

salfa3ajeeba said...

allah yani akrah islob iltha'3a6

w ilmishkila ag3ad adafe3 3n ilmath'3o6 len yertefe3 tha'36y:)

walleeeh my comment chinna sar kela tha'3a6:))

welcome back 7aboba o tra lech wa7sha:*

Selezya said...

فريج سعـود

لا مش نائصيييين

:p

انسـان كويتي

:)) الله يهديهم .. والله حتى انا ماحب هالنوع كلش
بس يعجبوني اللي يصمدون بالنهايه :)


سـالفه عجيبه

لوول فديتج وينج انتي :) وحشتينا اكثرر
حييييالله سالفتنا
:*

MARSHAL Q8 said...

حتى المتنفس الأخير لنا .. أصبح مراقبا


إنا لله وإنا إليه راجعون ..

تقبل التعازي على روح الفقيدة " حرية الفرد " أرملة " تفعيل الدستور " في قاعة عبدالله السالم في مجلس الأمة ..


إنا لله وإنا اليه راجعون

Dalal said...

سيليزيا

انزين شرايج اني اعرف بنات جذي اسلوبهم بين بعض

Najmah said...

ولكم باااك

ولهت عليج :))

وحبييييبة :))

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘