Monday, February 11, 2008

علــومي الغبـــرا



تبيــــن علـــومي الغبـرا.. تهمك.. آخر أخبـاري ..!؟

علـــى خبـــرك أبد يا بنت .. أعـــد نجــومي..وأرقبها

أســــاير وقتـــي الظــالم .. وأسـّري ليلــي الســـاري

ولا لـــي بالسهـر مصـلوح .. ســـوى .. صورة أقلبّها

أبـروز صـورتك .. وأخشـــى .. أعلقها على جـداري

يهــــز الـزيـن جـــدراني .. ويفضــح من..يســــربها

ويشــــرب دمــي الصــورة .. بها موتي تــــرا داري

أنا مــا همــني مــوتي ..!! أخـــاف ذنبي يعذبـــــــها

وينـــشدها ضمــير ٍ حــي .. إليــا جــا للهوى طـاري

عــــن أرواح ٍ غــدت بالحب .. وزيـنه .. هو سبـايبها

وقـالت .. يــا بعد حييّ .. صدف بحـري .. ومـحاري

طـعم هالمـوت مـــالذه .. طعــــــون الحب .. جربـها

وشفضحـلك مـن هـمومي ..؟وشفشيـلك من أسـراري

زرعــت الشـوق في غيـري.. ولا أدري وشعــــواقبـها

ولكـن .. صورتي .. تكفـى .. زهر شوقي مع أشجاري

أبيــها تضلل عيــــونك .. وعــيني .. لا تحــــاســـــبها

وقلت المـوت.. من عينك ..! بها سحـــر الهوى جـاري

مــدام المـوت أهو فنـك ..!! أبــيك الـروح تطــــربـها

أبـــد .. لا تهمــك طعوني .. لخناجرها.. أنــا شـاري

حـــلات المـوت بعـــيونك .... تكـــفّـــني حـواجبـــــها

10 comments:

`~MnO YeNSa! ~` said...

انا اول وحده :) ....

كلمات تعور القلب .. قاسية ترى

حـــلات المـوت بعـــيونك .... تكـــفّـــني حـواجبـــــها

مو صج هالمقطع

بس تسلمين :**

Barrak said...

حـــلات المـوت بعـــيونك .... تكـــفّـــني حـواجبـــــها

حلاتك والله

وعجبني اللوك وايد

سدرة العشـــاق said...

عجيــــــــبة

سامعتها على وحدة تغنيها بس مادري شسمها

اختيار موفق

:)

فتى الجبل said...

يه يه يه
هذا الحب وما يسوي

darkness said...

حـــلات المـوت بعـــيونك .... تكـــفّـــني حـواجبـــــها

صح السانج

خطير هالبيت

:(

Anonymous said...

اسمحيلي أول شي على غيابي عن مدونتج

بس والله مو بإيدي

كنت مريضة وأمس بس طلعت من المستشفى :(
عالعموم تولهت عليج وااايد الغالية

عجبني هالمقطع
زرعــت الشـوق في غيـري.. ولا أدري وشعــــواقبـها

ولكـن .. صورتي .. تكفـى .. زهر شوقي مع أشجاري

أبيــها تضلل عيــــونك .. وعــيني .. لا تحــــاســـــبها


تسلم إيدج غناتي

Najmah said...

الله روووعة

البيت الأخير صج صج خطييير

تسلمين سوسو :))

بـابـل said...

صباح الورد


!!!!!شنو هذا

قصيدة عجيبة

وبيت احلى من بيت


عاش اللي كاتبها


وتسلمين عالأختيار الروعة


وبس


بابل

princess dodo said...

ميرسي أووووى على الأغنية
كانت عندى نغمة على الموبايل
فتشت عنها كتيييييير
حتى جئت إلى هنا


سلمت يداكِ

تحياتي ومودّتي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘