Saturday, April 26, 2008

مـرت فـرح




مرني .. مرت فـرح

بعيوني الصغار


مرني .. قمره تخلي

كل ليلي نهـار


ياللي من بعدك يهـون

كل حزن مر بالعيون

وكل ليالي الإنتظــار


مرني .. مرت فرح

بعيوني الصغار


مرني .. راعي ما عزف ناي بحزن

مرني .. غنوة من طواريها أحـــــن

حتى أنسى كل أنيني

وانطر بجيتك حنيني

وانسى كل جرحي اللي صار


مرنـي .. مرت فرح

بعيوني الصغـار


مرني .. يا آخر قصيده بهالعمر

مرني .. كم هاجر وهو زاده الصبر

ينتظر شوفت وطن

وناس فارقهم زمــن

وقلب مل من الإنتظار


مرنــي

مــرت

فــرح

بعيوني

الصغـــار

----

ظلام الليل ياخذني

على عيونك

أسافرلك .. أغني يا ظمى حروفي


ترا وصــــــالك

يزّيد من حنيني

وأتشـوق له


وياخذني الخـــــــــــيال بعيد

أصور عمري .. لو ظمك

إذا شــــــوقي بعد .. لمّـــك


إذا تلاقـــت

بعد غيــبة زمن

العيـــون


أول خـطوه نخطيها

أعيد أحلى الحكي ويـاك

وياخذني الخــــيال بعيد

وأعيش بقعدتك يمـــي

أول كلمه يهتـــز

الوتـــر فيــــها

أقول أشـعار

مــــن عينك

وياخذني الخيال بعيد

ويصرخ حبك بدمي


تعلمت العشـــق

منك

وجربت بهـواك

أغير


أصور عمري .. لو ظمـك

إذا شوقي بعـــد .. لمّـــــك


إذا تلاقــت

بعد غيـبة زمـــن

العيــون


أســـــــافرلك .. يا بنت أربعتـش

يـوم تلاقيــنا

وقلبي طيـــر .. فارشلك جناحينه


تعلمت العشـق

منك

وجربت بهـواك

أطير


أصور عمري .. لو ظــمك

إذا شـوقي بعد .. لمّــــــــك


إذا تـلاقت

بعد غيـبة زمـــن

العيـــوون

Monday, April 21, 2008

إمرأه .. زال بمكرها الجبــل

روي أنه كان في بني إسرائيـل ، رجل صـالح . وكانت له زوجة جميلة المنظر ... وكان كلما خـرج من البيت .. يغلق عليها البـاب .
فنظـرت ذات يـوم إلى شاب حسن الخلقة ، أثناء فتح البـاب وغلقه . ونظـر إليها الشاب فهويها ، وهـويته . فتبادلا الحديث من وراء البـاب ، واتفق معها على أن يصنع لها مفتاحاً للباب .
وكان يتردد عليها متى شاء ، وبقي على ذلك زماناً، وزوجها لم يشعر بذلك . ثم إن الزوج لاحظ أن تصرفاتها غير طبيعية معه ، وعلى غير عادتها ، فقال لها يوماً : إنك قد تغيرت علي كثيراً ، وبدأت أشك فيكِ وأريد منك أن تحلفي لي أنك لم تعرفي رجلاً غيـري .
وكان لبني إسرائيل جبل يقسمون به ، ويتحاكمون عنده ، وكان الجبل خارج المدينة ، وبقربه نهر جارٍ ، وكان لا يحلف عنده أحد كاذباً إلا هلك . فقالت له : نعم ، متى شئت أحلف لك .
فلما خرج الرجل الصالح ، دخل عليها الشاب كعادته ، فأخبرته بما جرى مع زوجها ، وقالت مايمكنني أن أحلف كذباً ، فتفكر في أمرنا .
فبقي الشاب مفكراً وتحير عقله ، فقالت له : طب نفساً ، وافعل ما آمرك به . فإذا كان صبيحة غدٍ ، ألبس ثوب ... حمَّار ، وخذ حماراً واجلس على باب المدينة ، فإذا مررت بك أنا و زوجي ، نكتري منك الحمار ، لتوصلنا إلى الجبـل . قال نعم ، وما أحسن رأيك .
فلما كان الغد ، قال لها زوجها : قومي إلى الجبل . فقالت : ما لي طاقة على المشي ، فقال لها : نخرج ، وإذا رأينا حماراً نكتريه .
فلما خرجا ،رأت الشاب ، فصاحت به : يا مكاري ... أتكري حمارك إلى الجبل بنصف درهم ؟ قال : نعم . ثم بادر وأركبها الحمار حتى وصلوا إلى الجبل . فقالت : أنزلني أيها الشاب ، يرحمك الله . فلما دنا منها ، ألقت نفسها إلى الأرض ، فانكشفت عورتها وشتمت الشاب وحاولت أن تنهض ، فتظاهرت بالإعياء والتوجع ، وطلبت من الشاب أن يعاونها على النهوض ، بعد أن تسترت بثوبها ،ومدت يدها إليه ، فأمسكها وأجلسها . ثم قامت معه تتوكأ عليه ، وأعانها على الصعود إلى الجبل ، لأن زوجها شيخ كبير السن ، لا يستطيع أن يفعل ذلك . ولما صاروا كلهم على قمة الجبل ، حلفت لزوجها أنه لم يمسسها أحد ولم ينظرها سوى زوجها وهذا الشـاب .
فاضطرب الجبل اضطراباً شديداً وزال من مكانه ...
انتهت القصه

Friday, April 18, 2008

Pearl Harbor

هالفلم مو طبيعي .. أدري حدي قدييمه فيه .. بس شسوي مأثر فيني بشكل كبير يعور قلبي .. حتى وانا حاطته لكم دموعي أربع أربع

حبيت أحط بصمه منه ببلوقي لأن كل شي أحبه حاطته بالبلوق فضروري يكون معاهم باللست

( أعتذر عن عدم التشفير )

Friday, April 11, 2008

؟؟؟؟؟؟؟

تحديث :
برد عالجميع هني مو بالكومنتس عشان الكل يقرى ويعرف رايي بالموضوع
الجميــع :
اكيد لازم تكون للحكومه هيبتها انا ما ارفض هالشي كلش بالعكس اعتبره شي مفروض .. بس اذا كانت طريقة تعاملهم خطأ هل نسكت؟انا اشوف ان السالفه صارت لعبه احس القبائل قاعدين يلعبون عليهم .. مانكر ان تصرف أبناء القبائل تصرف غير حضاري ويفشل بعد ونعم لابد للحكومة مواجهتهم لكن أبدا مو بهالطريقه
هل تعتبرون دخول البيت وانتهاك حرمته طريقه للمواجهه؟؟؟هل انتو ترضون ان هالشي يحصل في بيتكم؟؟ أنا انصدمت يوم شفت دخولهم على بيوت الناس؟ وأخذ ممتلاكتهم بعد .. شلون ياخذون التلفونات واللابتوبات؟؟ مافي خصوصيه؟؟؟ عفوا عيب هالشي !!؟
انا ما يهمني هجوم الرياييل وقوة الامن برا الشارع هذي اعتبرها صد ووقف الخطأ .. لكن توصل المسأله دخول البيت والبيت له حرمته واخذ كل شي خصوصي فهذا شي أبدا مو منطقي ولا احد يرضاه
وصدقوني أنا ضد الفرعياااات بس مو بهالاسلوب نصدهم
------

بالنسبه للديوانيات .. ياكرهي للقرار .. لحد يقول املاك دوله واملاك دوله .. ياخي الدولة شتبي بهالمترين اللي جدام البيت حبكتتت يعني على هالديوانية؟؟ في بيوت بالغت بدوانيتها وموقعها ممكن نقول هذيل لهم الحق .. لكن ديوانيات جدام البيت بالضبط خلوهم شتبون فيهم !!؟
كنت أتناقش مع خالي يقول هذي أملاك دوله وانا لازم أشيل ديوانيتي وفعلا وقتها كان يشيل ديوانيته .. قلتله يعني انت مقتنع ان هالارض مو أرضك .. قال اي نعم مفروض ما اروح صوبها اصلا .. قلت طيب خلاص لما تشيلها قولي لأن أخواني خاطرهم يلعبون كره وهالارض حلوه حق اللعب .. قال ها؟ لا مايصير يلعبون جدام بيتي مابينهم وبين الباب مسافه كبيره .. قلت شعليك؟ مو ارضك !!؟ رد يقول مايصير وان اذا سووها راح يشتكي ..
يا ناس هالامتار اللي جدام البيت خلوها لصاحبه وخليكم منطقيين شوي .. الحكومة ماعندها شي تسويه بهالمكان .. وصاحب البيت ماحط مرقص ولا بارات .. حط تراث تميزت فيه الكويت عن العالم كله .. ديوانية تيمع هالشباب وهالشياب .. وين تبونهم يروحون يعني؟؟
ياخي الحكومه اذا تبي ارضها .. وبنفس الوقت مو مسويه فيه شي .. خل تفرض ضريبه عالمكان .. ليش تهدممم ليششششش .. وبجذي الكل مستفيدد صاحب البيت والحكومة
فكروا شوي عفيه .. انا عن نفسي اقول البيوت اللي حاطه ديوانياتها جدام البيت مافيها شي ولازم يتجاوزونهم ولا يهدمون .. أما اللي بينهم وبين ديوانيتهم يفصلهم شارع هني عاد كيفهم ماقول لا مايصير يشيلونها لأن بالمنطق انتهت مساحه البيت لي الشارع مو ياخذون الساحه اللي ورا الشارع علبونه جدام بيتهم صارت لهم .. هذا مو حجي
ملاحظة :
ترا ماعندنا ديوانية جدام البيت وهدومها .. انا الحمدلله ديوانيتنا بالسرداب ولا لها ششغل باملاك الدوله ولا بطيخ
سلام
-------
شهالهمجيه والدفاشه في مداهمة الفرعيات ؟؟ و في إزالة الدواوين ؟؟
تـرا فـشله والله .. ماكو شي ينجح بهالطريقه وبهالاسلوب
ومره وحده سؤال عالطاير .. ليش اللي يرشح نفسه يحط صورته وهو يصرخ؟؟ ترا شي مو حلو !!؟
شصاير يا جماعه ؟؟

Monday, April 7, 2008

تحديث
بالبداية .. انا أسفه جدا على السؤال لأنه مو حلو بس كنت حابه أشوف رايكم وردت الفعل
الحين بقولكم ليش سألتكم عنه
-----
(1) ابن الـ 12 يقتل رجلاً هاجم والدته
واشنطن ـ يو بي اي: تنظر الشرطة في ضواحي واشنطن في ما اذا كان يفترض بها اصدار اتهامات بحق ولد عمره 12 عاماً قتل رجلاً طعناً بالسكين خلال مهاجمة الاخير لوالدة الطفل.
وذكرت صحيفة «واشنطن بوست» الأمريكية ان المسؤولين عن تطبيق النظام يرون ان القضية غير اعتيادية نظراً لعمر الصبي والظروف المحيطة بالقتل.
وفي مقابلة مع الصحيفة أوضح الصبي انه ما أن أنهى دروسه حتى سمع والدته تصرخ في المطبخ في منزلهم في لادوفر.
وأضاف الصبي انه وجد والدته مرمية على الأرض وفوقها رجل من المنطقة كان يضع يديه حول رقبتها، فاستل سكيناً وطعن سالومون نوبيسي (64 عاماً) في ظهره فأصاب شرياناً.
يشار الى انه تم الاعلان عن موت نوبيسي وهو مهاجر من الكاميرون في أحد مستشفيات المنطقة.
وقال الصبي «قلت لله انني طعنت الرجل لأنه كان يقتل والدتي».
وقالت الشرطة انها تراجع الأدلة قبل اصدار أية أحكام في القضية.
تاريخ النشر: الجمعة 4/4/2008
جريدة الوطن
----
تناقشت أنا مع زميله لي بهالموضوع لأني استغربت من كلامها لما قرت هالخبر
اهيا تقول : إن تصرف هالولد كان تصرف خاطىء وان الإنسان الطبيعي ما تكون ردت فعله جذي وخاصه الانسان الراشد وهذا لأنه طفل سوى هالشي
استغربت ؟
قلتلها معقوله أحد يشوف أمه ولا شخص قريب عليه ويعتدون عليه ناس غرب وماسوي شي؟
معقوله أروح أدق على العمليات واسكت انطر الشرطه اييون عشان يكون تصرفي راشد وصحيح؟
معقوله اقول حق اللي يعتدي عليها لو سمحت لو ماعليك امر انا انسان راشد ماقدر اقتلك .. قوم عنها اذا ممكن ؟
مووو شررط اني اقتله .. في أكثر من طريقه بس طبيعي اقوم ادافع وبأقوى ماعندي واذا ماكان الحل الا اني اذبحه عشان يوقف عيل بذبحه ونص
إهيا أصرت على رايها وما زالت ..
وردت علي .. إني وحده عمري 18 وتوني ياهل وانا حدث !! ودام اني حدث فهذا طبيعي اني راح اتصرف هالتصرف
بس الانسان الراشد ما يسوي جذيي !!
يعني كل اللي قالو بالكومنتس نذبحه ترا انتو مو راشدين ديروا بالكم هاا
أنا صراحه أشوف إن هذا دفاعاً عن النفس وشي طبيعي والتصرف مفروض يكون بديهياً جذي
السالفه صارت فيها نقاشات وايد وإصرار كل منها على كلامها وناس وايد دشوا معانا بعد
بس انا كنت حابه اعرف رايكم انتوا لأني واثقه بكلامكم وبتصرفاتكم
واذا في احد معارضني واهو معاها عادي خل يقول ونشوف رايه يمكن يكون عنده شي أنا غفلت عنه
وبس أتاسف مجددا على هالسؤال لأن أدري محد يحب يتخيل هالموقف ولا حتى يجاوب عنه
والله يكافينا شر هالمواقف انشالله ويخليلنا حبايبنا
------
السـلام عليكم
بسألكم سؤال عبارة عن موقف .. وأبي من اللي يجاوبون يقولون الإجابه اللي اهم راح يسوونها صج اذا صار هالموقف .. واللي يبي يتغشمر يكتب يم الاجابه انه قاعد يستعبط عشان اعرف
---
انت قاعد بالبيت .. فجأه ..تسمع صوت الوالدة تصرخ .. تروح لها تتطمن .. تلقى شخص غريب يعتدي عليها ضرباً وبقوة ..
شتسوي؟ وشتسوين ؟
------
والله يبعد عنكم هالموقف انشالله .. بس جد محتاجه أشوف رايكم بهالموقف وردت الفعل .. وبعدين اقولكم ليش سألت هالسؤال ..

Wednesday, April 2, 2008

.

مرحبااااا ..
شلونكم انشالله تمام :)
والله مشتاقتلكم آآآآآآد كده ( .) :p
بعد ما أخذتلي فرره على البلوقات كانت الأجواء أغلبها سياسيه حاميه على الانتخابات اليايه .. .. والحين طالعه سالفه يديده .. يبونها دائرة وحده .. انزين قبل يوم انكم تقولون نبيها خمس وخمس وخمس وخمس وخمسسسس ووخمس .. صارت .. الحين ..نبيها وحده وحده وحده وحده .. شسالفه !! ؟ تكفوون خلوكم على كلمة .. هذا انتقادي على هالشغله .. انا ما اقصد على وين الاحسن بس قصدي لازم تكون في كلمة وحده ورأي واحد مو اليوم كلام وباجر كلام غيره .. صح؟
عموما.. انشالله تكون الانتخابات اليايه أحسن من قبل .. وانشالله يطلعون ناس محترمين عندهم ذوق بالاسلوب من غير أي كلمات بذيئة يستخدومنها بعدين بوقت مناقشاتهم للمواضيع .. أما على الفرعيات .. اخذووهاا منييي .. أغلب اللي يرشحون نفسهم ويدخلون الفرعيات مايفتهمون شي .. وبهذا اكون ضد الفرعيات تمااامااا
وبششش
هذا موضوع وخلصنا منه :p
والحين موضوع شخصي
الاسبوع الياي عندي امتحانات .. ماعندكم متبرعين؟؟ احد يمتحن بدالي ولي يعافيكم :) الله يعيين .. عموما حبيت اقولكم لان هالايام بقعد واصير شاطره وادرس فاحتمال ماكون متابعه 100% بس احتمال 95% لوول يعني اشكره ماراح ادرس
آخر شي
عندي سؤال .. وترا من صجي أسالكم .. أدري شغله مستحيل تصير .. بس عاد بتجاوبووون
إذا دش أسد بيتك وانت قاعد بالصاله شتسوي؟ وشتسويين؟
إقتبست هالسؤال من دعاية بيبسي *
يلا خنشوف جم واحد منكم راح ينتحر
سلام :)