Monday, April 7, 2008

تحديث
بالبداية .. انا أسفه جدا على السؤال لأنه مو حلو بس كنت حابه أشوف رايكم وردت الفعل
الحين بقولكم ليش سألتكم عنه
-----
(1) ابن الـ 12 يقتل رجلاً هاجم والدته
واشنطن ـ يو بي اي: تنظر الشرطة في ضواحي واشنطن في ما اذا كان يفترض بها اصدار اتهامات بحق ولد عمره 12 عاماً قتل رجلاً طعناً بالسكين خلال مهاجمة الاخير لوالدة الطفل.
وذكرت صحيفة «واشنطن بوست» الأمريكية ان المسؤولين عن تطبيق النظام يرون ان القضية غير اعتيادية نظراً لعمر الصبي والظروف المحيطة بالقتل.
وفي مقابلة مع الصحيفة أوضح الصبي انه ما أن أنهى دروسه حتى سمع والدته تصرخ في المطبخ في منزلهم في لادوفر.
وأضاف الصبي انه وجد والدته مرمية على الأرض وفوقها رجل من المنطقة كان يضع يديه حول رقبتها، فاستل سكيناً وطعن سالومون نوبيسي (64 عاماً) في ظهره فأصاب شرياناً.
يشار الى انه تم الاعلان عن موت نوبيسي وهو مهاجر من الكاميرون في أحد مستشفيات المنطقة.
وقال الصبي «قلت لله انني طعنت الرجل لأنه كان يقتل والدتي».
وقالت الشرطة انها تراجع الأدلة قبل اصدار أية أحكام في القضية.
تاريخ النشر: الجمعة 4/4/2008
جريدة الوطن
----
تناقشت أنا مع زميله لي بهالموضوع لأني استغربت من كلامها لما قرت هالخبر
اهيا تقول : إن تصرف هالولد كان تصرف خاطىء وان الإنسان الطبيعي ما تكون ردت فعله جذي وخاصه الانسان الراشد وهذا لأنه طفل سوى هالشي
استغربت ؟
قلتلها معقوله أحد يشوف أمه ولا شخص قريب عليه ويعتدون عليه ناس غرب وماسوي شي؟
معقوله أروح أدق على العمليات واسكت انطر الشرطه اييون عشان يكون تصرفي راشد وصحيح؟
معقوله اقول حق اللي يعتدي عليها لو سمحت لو ماعليك امر انا انسان راشد ماقدر اقتلك .. قوم عنها اذا ممكن ؟
مووو شررط اني اقتله .. في أكثر من طريقه بس طبيعي اقوم ادافع وبأقوى ماعندي واذا ماكان الحل الا اني اذبحه عشان يوقف عيل بذبحه ونص
إهيا أصرت على رايها وما زالت ..
وردت علي .. إني وحده عمري 18 وتوني ياهل وانا حدث !! ودام اني حدث فهذا طبيعي اني راح اتصرف هالتصرف
بس الانسان الراشد ما يسوي جذيي !!
يعني كل اللي قالو بالكومنتس نذبحه ترا انتو مو راشدين ديروا بالكم هاا
أنا صراحه أشوف إن هذا دفاعاً عن النفس وشي طبيعي والتصرف مفروض يكون بديهياً جذي
السالفه صارت فيها نقاشات وايد وإصرار كل منها على كلامها وناس وايد دشوا معانا بعد
بس انا كنت حابه اعرف رايكم انتوا لأني واثقه بكلامكم وبتصرفاتكم
واذا في احد معارضني واهو معاها عادي خل يقول ونشوف رايه يمكن يكون عنده شي أنا غفلت عنه
وبس أتاسف مجددا على هالسؤال لأن أدري محد يحب يتخيل هالموقف ولا حتى يجاوب عنه
والله يكافينا شر هالمواقف انشالله ويخليلنا حبايبنا
------
السـلام عليكم
بسألكم سؤال عبارة عن موقف .. وأبي من اللي يجاوبون يقولون الإجابه اللي اهم راح يسوونها صج اذا صار هالموقف .. واللي يبي يتغشمر يكتب يم الاجابه انه قاعد يستعبط عشان اعرف
---
انت قاعد بالبيت .. فجأه ..تسمع صوت الوالدة تصرخ .. تروح لها تتطمن .. تلقى شخص غريب يعتدي عليها ضرباً وبقوة ..
شتسوي؟ وشتسوين ؟
------
والله يبعد عنكم هالموقف انشالله .. بس جد محتاجه أشوف رايكم بهالموقف وردت الفعل .. وبعدين اقولكم ليش سألت هالسؤال ..

36 comments:

Q8i Blogger said...

ماقدر اشرح شنو بالضبط راح اسوي لأني مادري شنو الاسلحه الي راح تكون متوفره في المكان

اذا كلاش .. يمكن اثور براسه
اذا سجاجين .. اسويه شاورما

انتي قوليلي شنو متوفر وانا اقولج شنو رده الفعل :)

تحياتي

Q8i Blogger said...

والأول بجدارة ;)

Salah said...

الله يبعد الشر

بوتشخيص said...

مابي أفكر و يارب ما تصير وانا عايش

اسد عطشان said...

ادرعه باقرب شي عندي .. سواء كان سجين ولا درنفيس او حتى كوب من الماء

Q8Sky said...

q8i blogger

سؤالك منطجي يا استاذ بس ودي تكون ام بطنين

وردة حب said...

؟

مو متخيلة بالظبط شنو راح يكون موقفي بس الاقرب يغمى علي

ليش السؤال

صبا said...

ياساتر

ماني قادره اتخيل الموقف

والله

Eng_Q8 said...

راح آكله

ترى صج راح اكله اقطعه بضروسي

Eng_Q8 said...

ترى الوقت عندج غلط عدليه

vancouver said...

بدووووووون تفكير
اروح المطبخ اتل ساطور
وهااات ياضرب
ترى موقاعدة اضحك بس هذا اللي اعتقد اني بسويه
احد يطق امي وانا اسكت
!!!

بس اهم شيء اكفخة بشيء على راسه

جارة القمر said...

ما ادري شنو ردة فعلي بس اكيد بهجم عليه بدون تفكير شنو بيصير

ManalQ8 said...

يا الله صباح خير

الله يهداج سيليزيا

كنت ابي اشوف موضوع يشرح القلب

قبل ما اروح الجامعة

لا
وانا حلمانة بامي اليوم

حبيبتي والله


المهم الموقف هذا وايد صعب
والاصعب ردة الفعل

اقل ما فيها اني ابعد امي عن اي احد ممكن يأذيها


وسلامتج وتعيشين

فتى الجبل said...

بدون اي تفكير راح اهجم عليه واذبحه
هالشي اسويه مع امي الصجية
ومع امي المعنوية الكويت

5roofa said...

امبي مااادري انتي قلتي الموقف انا تخيلته قلبي قام يعورن و قعدت ابجي

بس ادري اني راح اطقه و اوخره حتى لو انا اموت بس يوخر عن امي وااي هذي الماما حلوة اللبن

و استنجد و اصرخ و اسوي لويه و افضحه و اخذ اكبر شي و احذفه علي

:(

سملة عليج سووسه شفيج على هالاسلة الي تخرع

salamz sis..

Selezya said...

CTRL-F5 PLZ

بوتشخيص said...

ما عندها سالفة زين! فيها تصرف راشد هذه!

قولي لها بو تشخيص يقول ما عندج سالفة يبه

بـابـل said...

هلا سيليزية شلونك

مرة أسد مرة مجرم من الكاميرون :)


أنا عن نفسي أسوى اللي سواه الطفل طبعا

لأن ذنب قتلي له اهون من ذنب انى اتركه يقتل حبيبة قلبي مى



انا معاك قلباً وغالباً بهالسالفة



وراي رفيجتك على عينى وراسي



وبس



بابل

صقر قريش said...

انا الي اعرفه انهم مايحاسبون الطفل دام انه تحت 18سنة بعد مايبلغ سن ال18يحاسبونه يعني ايقولون ان اولا اعمارهم عشر سنين اذبحوا ولد عمره سبع سنوات ماحاسبوهم الا لما ابلغوا 18سنة وحطوهم بالسجن بصراحة شهالبشر وشهالقوانين !!

سدرة العشـــاق said...

احاول اطقه على راسه عشان يفقد الوعي و اقوم امي و اشوف شنو يعورها

اذا ماتعورت وايد ارد و اذبحه

باي شي سجين طابوقة اي شي

الله يبعد الشر عنا و عنكم ان شاء الله

Barrak said...

تذكرين سوبر فلاي سنوكا شكان يسوي

بالضبط جذيه راح يصير فيه

Najmah said...

انا معاج بدون تفكير

5roofa said...

الصراحه الولد رياااااااال لوول


ماكو شغل اقعد افكر وااااي لالا ما اقدر امبي مالج شغل فيها انتي الصح اهي الغلط و اذا تبين تره بناتي فيهم نوبة تمجع ايبهم يمجعونها ولا تزعلين

لوول اهم شي اني ادلل على بناتي و بحطهم في كل هوشة لوول

:P

salamz sis...

Anonymous said...

ارى انها ردة فعل طبيعية جدا من الصبي

كغريزة البقاء لدى الانسان والنجاة

صقر قريش said...

نسيت اقول شبسوي عن نفسي اذبحه واخلص عليه والي فيها فيها :)

جارة القمر said...

سليزيه ويه عيل انا بعد هالعمر كله للحين ما صرت راشده؟؟

ااحين قاصر

ويه عيل انا فيني نوع من انواع التخلف!!!؟؟

اقوول حبوبه مالج شغل فيها

يعني اهي بتشوف امها تنذبح و توقف تتفرج و الا تنطر الشرطه؟؟

معقوله

اذا هذا العقل فانا مينونه و خليت لها العقل

kazmawy said...

اعتقد ان رفيجتج تبى تناجر وبس..
انا لو اشوف هنديتنا احد يحاجيها اتراقع وياه هالنوبة الوالدة او احد من الاهل..
الولد هذا فطرته سليمة 100% واعتقد كل عاقل راح يسوى مثله..والله يكافينا شر البلاوى ويحفظنا يارب

Eng_Q8 said...

ارفيجتج مو صاحيه الظاهر عايشه بامريكا

اقول يعني انا الحين مو راشد :))) وناسه

Shaima'a Alkandari said...

شكلي ييييييت متأخره

بس ماعليه بقول

اممممممممم

مادرى يمكن افلعه باي شي جدامى واصرخ بنفس الوقت واحاول انى احذفه بعيد عنها


بس ساعات في ناس مايقدرون يسيطرون على نفسهم ويذبحون سيده

mantovani said...

تحية طيبة و بعد

بعيدا عن الاندفاعات خلف العاطفة
و من باب التعاطي مع الموقف بكل عقلانية

اي انسان مشاعره سليمة سيحاول دفع
الضرر عن والدته او اي من اهله
و ان استعصى ذلك او ازداد صعوبتا

الشخص الطبيعي سيتناول
اي الة حادة .. طبر او صخّين او سكين حادة , و سينهال طعنا على المعتدي

و خصوصا ان الانسان سواءا كان ذكر او انثى لديه غريزة الغيرة على الاهل

و شكرا على الموضوع

مانتوفاني

عبثي said...

أفكار حمد بشكل ٍأكثر وضوحاً

http://www.alraimedia.com/Templates/frNewsPaperArticleDetail.aspx?npaId=37922

أو

http://www.alraialaam.com/PdfFiles/10510/p19.pdf

Selezya said...

شكـراً للجميع ..

والله يبعد الشر عنا وعنكم انشالله

:)

ياقلبي ابتسم said...

مادري وش بسوي بس اتوقع اني بقوم الدنيا واقعدها
كله الا امي الغاليه

يوووووووه ماقدر اتخيل الموقف
ماعندي مشاكل اسوي اي شي عشان امي

يعطيك العافيه على البوست الحلو:)

Anonymous said...

انا اتوقع ان ردة الفعل المفروض تكون اكثر حكمه من الذبح والقتل والتسرع ما اضطر اني اذبح المجرم لاني انا مو مجرمه ولا قاتله احاول التزم الهدوء واتصرف وفق الموقف المطلوب من غير زهق للأررواح وماشابه ذلك تصرف الطفل يدل على جهله وعلى سرعه التفكير والتصرف .. هذا الطفل يدخل في عقوبه ينصها القانون طبقا لقانون جناح الاحداث ويعيد تأهليه وتعليمه التحكم وحسن التصرف في مثل هذه المواقف ... وشكرا

MaNaYeR said...

يممممممه مجرمين

تخرعون والله

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘