Friday, April 11, 2008

؟؟؟؟؟؟؟

تحديث :
برد عالجميع هني مو بالكومنتس عشان الكل يقرى ويعرف رايي بالموضوع
الجميــع :
اكيد لازم تكون للحكومه هيبتها انا ما ارفض هالشي كلش بالعكس اعتبره شي مفروض .. بس اذا كانت طريقة تعاملهم خطأ هل نسكت؟انا اشوف ان السالفه صارت لعبه احس القبائل قاعدين يلعبون عليهم .. مانكر ان تصرف أبناء القبائل تصرف غير حضاري ويفشل بعد ونعم لابد للحكومة مواجهتهم لكن أبدا مو بهالطريقه
هل تعتبرون دخول البيت وانتهاك حرمته طريقه للمواجهه؟؟؟هل انتو ترضون ان هالشي يحصل في بيتكم؟؟ أنا انصدمت يوم شفت دخولهم على بيوت الناس؟ وأخذ ممتلاكتهم بعد .. شلون ياخذون التلفونات واللابتوبات؟؟ مافي خصوصيه؟؟؟ عفوا عيب هالشي !!؟
انا ما يهمني هجوم الرياييل وقوة الامن برا الشارع هذي اعتبرها صد ووقف الخطأ .. لكن توصل المسأله دخول البيت والبيت له حرمته واخذ كل شي خصوصي فهذا شي أبدا مو منطقي ولا احد يرضاه
وصدقوني أنا ضد الفرعياااات بس مو بهالاسلوب نصدهم
------

بالنسبه للديوانيات .. ياكرهي للقرار .. لحد يقول املاك دوله واملاك دوله .. ياخي الدولة شتبي بهالمترين اللي جدام البيت حبكتتت يعني على هالديوانية؟؟ في بيوت بالغت بدوانيتها وموقعها ممكن نقول هذيل لهم الحق .. لكن ديوانيات جدام البيت بالضبط خلوهم شتبون فيهم !!؟
كنت أتناقش مع خالي يقول هذي أملاك دوله وانا لازم أشيل ديوانيتي وفعلا وقتها كان يشيل ديوانيته .. قلتله يعني انت مقتنع ان هالارض مو أرضك .. قال اي نعم مفروض ما اروح صوبها اصلا .. قلت طيب خلاص لما تشيلها قولي لأن أخواني خاطرهم يلعبون كره وهالارض حلوه حق اللعب .. قال ها؟ لا مايصير يلعبون جدام بيتي مابينهم وبين الباب مسافه كبيره .. قلت شعليك؟ مو ارضك !!؟ رد يقول مايصير وان اذا سووها راح يشتكي ..
يا ناس هالامتار اللي جدام البيت خلوها لصاحبه وخليكم منطقيين شوي .. الحكومة ماعندها شي تسويه بهالمكان .. وصاحب البيت ماحط مرقص ولا بارات .. حط تراث تميزت فيه الكويت عن العالم كله .. ديوانية تيمع هالشباب وهالشياب .. وين تبونهم يروحون يعني؟؟
ياخي الحكومه اذا تبي ارضها .. وبنفس الوقت مو مسويه فيه شي .. خل تفرض ضريبه عالمكان .. ليش تهدممم ليششششش .. وبجذي الكل مستفيدد صاحب البيت والحكومة
فكروا شوي عفيه .. انا عن نفسي اقول البيوت اللي حاطه ديوانياتها جدام البيت مافيها شي ولازم يتجاوزونهم ولا يهدمون .. أما اللي بينهم وبين ديوانيتهم يفصلهم شارع هني عاد كيفهم ماقول لا مايصير يشيلونها لأن بالمنطق انتهت مساحه البيت لي الشارع مو ياخذون الساحه اللي ورا الشارع علبونه جدام بيتهم صارت لهم .. هذا مو حجي
ملاحظة :
ترا ماعندنا ديوانية جدام البيت وهدومها .. انا الحمدلله ديوانيتنا بالسرداب ولا لها ششغل باملاك الدوله ولا بطيخ
سلام
-------
شهالهمجيه والدفاشه في مداهمة الفرعيات ؟؟ و في إزالة الدواوين ؟؟
تـرا فـشله والله .. ماكو شي ينجح بهالطريقه وبهالاسلوب
ومره وحده سؤال عالطاير .. ليش اللي يرشح نفسه يحط صورته وهو يصرخ؟؟ ترا شي مو حلو !!؟
شصاير يا جماعه ؟؟

36 comments:

بـابـل said...

خلي الناس تهاب الدولة أحسن والله

لأن مافي هيبة

والكل متفرعن...ومسوي فرعية:)


الله يحفظ هالجوهرة

من خدوش

بعض الناس

المحسوبين عليها



وبس




بابل

Anonymous said...

الهمجية عزيزتي سيليزيا هي ردة الفعل المتخلفة والرجعية على تطبيق القانون

ولا بد للسلطة ان تدافع عن نفسها أمام مهاجمة الغوغاء والدهماء

أنت أعقل من ذلك

Ghasheema said...

a7san khalehom ysan3oon aldeerah

ow akeed la bood min al-aghalaa6 bas hatha mo ma3nat ena eli yseer ghala6

bas ana ma3aich bel nesbah ele sowar lol

yemkin 3assas enhom fehom gheerah 3ala aldeerah :/

بو محمد said...

أختي العزيزة الغاالية سيليزيا

قال صلى الله عليه وسلم : ( ماكان الرفق في شيء إلا زانه وما نزع من شيء إلا شانه )

دمت برعاية الحافظ

Eng_Q8 said...

اشرايج :p

5roofa said...

:'(

امبي شفت و خرعوني منصجهم ليش جذي

و الصورة لول يمكن يعني عشان مندمج
:P

salamz sis...

Najmah said...

يستاهلووون
ماينفع معاهم الا هالاسلوب
خل يحترمون شي اسمه قانون شوي

joy said...
This comment has been removed by the author.
joy said...

شوفي عزيزتي صحيح انه الصورة ابالف حرف ولكن
لا تصدقين الصور

اقري الوضوع
الازالات قانون صارله مده 6-7سنين توه اقرو تطبيقه
الازالات ياتهم تنبهات خطية
ثم يتهم لزقات الازالة
ثم حطو اعلان بالجرايد يحذرون
ثم حطو اعلانات بالمناطق
ثم اللي اييونه بالبلدوزر وطلب مهلة عشان يشيلها بنفسه عطوه

شتبين عقل اكثر من جذي
ولكن المتخلفين واللي ما ينفع وياهم كل هذا لاخر دقيقة عندهم اقتناع انه ارض الدولة حق لهم ولا يبوون يشيلون
بالتالي بعد كل اللي سردته ولا نفع وياهم فالقوة هي الجواب


وبالنسبة للفرعيات قانون واضح نحن دولة ولسنا غابة نمشي بالقانون
تحايل ما ينفع
قلنا مانبي تجمعات ويتجمعون اشكره اييهم انذار بفض التجمع مايرضوون ويعانددوون

شنو الحل معاهم
القوة
والمشكلة القوات الخاصة ما سووت شي
كل اللي سوته وقفو\
لكن هالناس الجهل اهما اللي بدو بالهجووم
وكل العنف والقوة كانت شكلية والباجي طلقات صوتية يعني جراقيات وقنابل مسيلة لفض التجمع


وسليزية انتي اكبر من جذي وسامحينا طولت عليج
:*

بوتشخيص said...

selezya

شوفي الهمجية بس مو من الشرطة من الثانيين
http://www.youtube.com/watch?v=c2hduLpP9pE

وهم شوفي

http://www.youtube.com/watch?v=Y5VK_x2SSbQ


لا تاخذين على كلام الوطن

:)

Shaima'a Alkandari said...

لاحول ولاقوة الا بالله

سدرة العشـــاق said...

حاجوهم بالطيب و قالوا القانون يمنع الفرعيات و في عقوبات و حبس

ما نفع هددوهم ماكو فايدة

ما ايون إلا بالعين الحمرا

الشدة مطلوبة مع الناس اللي ما تفتهم

و قلعتهم

: )

فتى الجبل said...

وليش ما تقولين شنو هالناس اللي ما يحترمون ديرتهم وقوانينها

المنطقة المحايدة said...

حنا ابتلشنا بالهمج والمتخلفين بالديرة الى يفرقون بين المواطنين ويقبلون القانون يتطبق على المواطن العادى ويهدمون ديوانيتة ويمنعونة من حرية الاختيار ويتناسون المتخلفين الى باقو الديرة كلها

جارة القمر said...

الحر اشر له

و العبد طنقر له

:)

يعقووبوو said...

قانون ويتطبق
مافيها شي (:
عندهم حل وحيد المضاهره السلمية
ولكن يعتدون عالشرطة غلط (:

وبالفيديوات إلي انتشرت مبين انهم يهجمون عالشرطة
وليس العكس
--
--
والدواوين انا مؤيد لها ويعطون لكل واحد انذار إلي مايوقع ينقفون دوانيته

--
لو مو مطبقين القانون راح يقولون على ناس وناس يوم طبقوا عدل الناس عصبت
ماكو حل مرضي للناس؟ (:

vancouver said...

سيليزيا العزيزه

من قالج انه ماكو ناس حاطين بارات بدواوينهم
من قالج انه كل الدوانيات هي ديوانيات!
يبا اكو مئات من الناس يمكن اكثر
مسكنين الزوجة الثالثة والرابعة مع عيالها بهالديوانيات جدام البيت
وحده تشتغل باحثة تحلفلي انه انصصدمت لما مرت على هالبيوت
طبعا بمناطق معينه
بس مايصير يشيلونها بمكان ويخلونها بمكان
المساله مساله مبدا يا سيليزيا
هذي ارض الدوله
القانون قال شيلوا اللي بانينه عليها
خلاص احترموا القانون وشيلوه
--

الفرعيات
اسمحيييييييييييييلي وبشده
اقول
اللي مااحترم الدوله
ولا رجال امنها
ولا قانونها
ولا دستورها
ماله حرمه او خصوصيه تُحترم
!!
لابتوباتهم جزء من الادله اللي تنجمع بمسرح الاحداث
حاله حال اي وثائق تنجمع عشان تاكيد الجريمه اللي سووها
هذا القانون
ومايصير اقول انااحترمه
بس بطبقة على مزاااااجي
واحترموا خصوصيتي
وببيتي اسوي اللي ابيه
؟؟؟؟
عيل اشلون بينصادون
سوري طولت بالكلام
بس بليييييييز
ماكو شيء يخليني اتعاطف مع جريمتهم
وتمسكهم بالغلط
وماكو شيء يبرر

Eng_Q8 said...

اشفيج معصبه

فتى الجبل said...

سيليزيا
اذا الديوانية وكر لبيع المخدرات ما نقتحمها
اذا اهيا وكر لبيع الخمر ما نقتحمها
اذا اهيا مكان قمار ما نقتحمها
اي مكان يتم فيه الاجرام من حق الدولة اقتحامه بشرط وجود اذن النيابة
اما الدواوين فمنظرها يلوع الجبد وطول عمرنا نعرف ان الديوانية كانت داخل البيت اشلون نطت وصارت بره
بعدين هالمترين الاولى ان احنا نزرعهم لتجميل البيت والمنطقة

Shaima'a Alkandari said...

انا اقول

عساها الكويت دوم محروسه من هالناس اللى بيخربون فيها

وهمهم الوحيد نفسهم وبس

mantovani said...

تحية طيبة و بعد

بالنسبة للانتخابات الفرعية

في البداية خلونا نتفق ان في قانون يمنع الفرعيات

القانون صح , القانون غلط ... المهم في قانون

و كان بامكان اعضاء مجلس الامة السابق و اللي قبلة انهم يحاولون يلغون القانون , طالما في مبدأ

ثاني شي انا كلي اسف ان
الناس قامت تصدق النواب اللي
طلعوا على تلفزيون الوطن
و قاعدين يتباكون بشكل هزلي
بصراحة ادائهم المسرحي كان ضعيف

ثالث شي

جميل ان الانسان يكون عنده مبدأ
يعني لو ان في مجموعة من الناس
تؤمن بصحة الانتخابات الفرعية

هل المؤمن بقضية معينه
ينحاش من اول تهويشة من القوات الخاصة ؟؟؟

و الا يواجه مثل ما نشوف بالتلفزيون
الشعوب اللي تواجه القوات الخاصة ؟؟؟

(( ارجو منكم عدم فهم كلامي غلط))

لاني مو قاعد احرض احد على مجابهة الداخلية

لكن في نقطة في كلامي ارجو منكم فهمها

هل هم اصحاب مبدأ ؟؟

و وين النواب الفرعيين من الكلام بالمجلس
و الا فالحين :

اسقاط القروض , روبي , و العديد من القضايا الفارغة ؟؟؟

=======

بعض الفرعيات افرزت مرشحين
هم اعضاء سابقين , لم يدافعوا عن حقهم
بعقد انتخابات فرعية

يعني الانتخابات الفرعية قاعدة تفرز ناس مو على اساس الكفاءة

========

بوتشخيص said...

salezya

أما عن الهمجية ردوا الإخوان عليج ..بس بسأل

لو إنتي في لندن أو أوروبا مثلا و عندج شقة أو بيت ..

تقدرين تحطين ديوانية و تقولين هذه أرض فاضية خل استغلها؟

تقدرين تخالفين القانون بره :)؟
(الكلام ما أقصدج انتي قصدي كلنا )

أعتقد لأ .. ليش بديرتنا ما نلتزم بالقوانين و كله نقول اشدعوة و اشمعنا؟

ترى هالكلمتين هم مدخل لإنتهاك القانون ..وبره عسل على قلبنا و تلقينه اكثر ناس محترمينه

سوري طولت عليج بس أدري قاعده تتكلمين من طيبة قلبج و من اللي شفتبه في قناة الفتن :)

سوري طولت تحياتي

mantovani said...

تحية طيبة مرة اخرى و بعد

بالنسبة للديوانيات

الديوانيات جزء من الموروث الشعبي الكويتي

الديوانيات وحده من الوحدات الاساسية المكملة للمجتمع الكويتي

لكن

لكن

لكن

هل في الماضي تجرأ احد اجدادنا و بنى دوانية خارج حدود بيته ؟؟

هل سمعنا عن واحد من الكويتيين القدامى بناله ديوانية في البراحات
اللي اغلبنا عارفين اساميها و مواقعها ؟؟؟

و الله جان الخيازرين تلعب على ظهره و ظهر اللي بناله !!

يا جماعه هذا ايام الكويت اول ...

اليوم عندنا قانون , و دستور

و نخالف و ما نخاف من التشريعات !! ليش ؟؟

====

اللي يحب ربعة و عيال فريجهم
يخصص لهم

صالة
غرفة
ديوانية
سرداب

داخل حدود البيت , و الا يحط لهم خيمة بالحوش ... بتقولون البيوت صغرت و مافي احواش ...

في اكثر من طريقة الواحد أيمّع فيه الناس و الربع و الاحباب بدون خرق للقانون



و الازالة ماكانت همجية

الاعلان كان قبل شهور
و الانذارات لصقت على المخالفات



و تقبلي تحياتي

Anonymous said...

احب ارد على الموضوع السابق عشان تاخذين وجهة نظري يا اختي العزيزه :


انا اتوقع ان ردة الفعل المفروض تكون اكثر حكمه من الذبح والقتل والتسرع ما اضطر اني اذبح المجرم لاني انا مو مجرمه ولا قاتله احاول التزم الهدوء واتصرف وفق الموقف المطلوب من غير زهق للأررواح وماشابه ذلك تصرف الطفل يدل على جهله وعلى سرعه التفكير والتصرف .. هذا الطفل يدخل في عقوبه ينصها القانون طبقا لقانون جناح الاحداث ويعيد تأهليه وتعليمه التحكم وحسن التصرف في مثل هذه المواقف وويطبق هذا الجزاء على الشخص الراشد ايضا وهي عقوبه يجرم عليها الجاني بعد ان تثبت ادانته ويحاكم حتى تظهر برائته او تغريمه او حجزه . راجعي قانون جناح الاحداث وقانون الجريمه والجزاء لدولة الكويت استعيني بالمراجع واستفيدي وانيري عقلك وتفكيرك انت والجميع وشكرا ...


القانون لا يحمي المغفلين

Selezya said...

anonymouse

مشكوره .. لكن اسمحيلي ما زلت مقتنعه برايي :)
وانتي قاعده تدخلين أشياء مالها صله بالموضوع ابدا

وردة حب said...

والله كنت حاطة بوست مثل كلامج وشلتة

خفت من ردة الفعل

ياجماعة وفرعيات شالمشكلة كيفهم هذي حرية شخصية

الواحد غصبن علية يحن للي من جلدتة

الحين ستار اكاديمي وياهم كويتي مع انة اخيسهم بس الكويت كلها تصوتلة ليش لانة ولد الديرة

موظلم هذا؟ ترى نفس الشي القبايل فلا تلومونهم

بوتشخيص said...

وردة الحب

أختي العزيزة كلامج صحيح بس في قانون يجرمها .. سواء اتفقنا معاه أو اختلفنا معاه ..خل يشيلونه و تالي محد يحاسبهم

تحياتي لج :)

MaNaYeR said...
This comment has been removed by the author.
MaNaYeR said...
This comment has been removed by the author.
5roofa said...

سلزي حبيبتي مشكورة على السؤل خيتوو

سامحيني بس كلش تعب و ماقدرت ارد

سامحني خيتوو

الله لا يحمرني من كومنتاتج و الزيارات ياارب

salamz sis...

zgombey said...

اصبت كبد الحقيقه :)

قاعد اعد موضوع متكامل حول هذا الموضوع ترقبيه :)

ولولا ظروف الإنشغال لأنتهيت منه ..ولكن خيرة ان شاءالله :)

charisma said...

مساء الورد

شوفى سيليزيه كلامج عدل بموضوع دخول البيوت بهالطريقه الهجوميه واقتحام حرمه البيت
خصوصا اذا فيه نساء واطفال
لازم الاذن بالتفتيش والدخول
الا اذا اهم مجرمين وعليهم دليل ثابت فهاذا شغل الداخليه ما نقدر اندش فيه


وموضوع ازالة الدواووين انا سالت فيها ناس اعرفهم قالولى

ان هالارض الى جدام البيت فيها تمديدات كهرباء وصحيه وممكن تعرقل لاسمح الله فى خلل او فى تمديدات يديده او تجديد

هذا والله اعلم

وهدى مو حلو عليج عاقدة النونه ومعصبه جذى
:**

صبا said...

سيليزيا الغاليه

الصراحه ما عندي كلام ازيده علي الي

قالوا اخواني واخواتي المدونين

هذا قانون ولا بد من تطبيقه ونحن معه

ويستاهلون الي صار فيهم وازياده

واهمه الي بتدو بالهمجيه وكسر القانون وكاننا بغابه للاسف

وطبيعي للسلطه ان تكون ردة فعلها بهالطريقه

انتي لو تلاحظين القوات كانو متواجدين لمنع الفرعيه

وكلموهم ما كو فايده وعمك اصمخ

والي ابتدي بالضرب ورمي الحجاره الهمج
وطبيعي بيردون عليهم القوات المتواجده بنفس الاسلوب
واكثر

والصراحه قلعتهم

:)))

ولا تتنرفزين ضحكي
لان الي صار عين الصح
ومن صالح الكويت

وانتي اكيد اتحبين الكويت وكلنا نحبها

:))))

very.q8ya said...

siktay 7addi maqhora =/ shalaw zar3na 3ama eb3ainhom =~/

تعاليل said...

انا ابي ارد على الاخوان اللي كاتبين خلي الناس تهاب الدوله

يعني الدوله ما تقدر تفرض هيبتها الا بهالجم متر ؟

والمفروض فض الفرعيات يكون بطريقه سلميه وبكلام محترم

ما اروح اجيب جوج وماجوج القوات الخاصه اقولهم يا الله اكسروا الباب وصادرو الابتوبات و التيلفونات

وبعدين شنو مسوين احنا على شان تفرض هيبتها الدوله؟

بالعكس حنا من اهل الكويت وشعارنا الله الوطن الامير من قديم الزمان ما تغير شي

بعدين انا عجبني اسم لجنة التعديات

لجنة التعديات على املاك الدوله

التعدي = سرقه

نفرض فرضيه بسيطه ان الدوله فيها ست مية الف دوانيه

يعني بالكويت ست مية الف حرامي؟


يعني الشعب كله حراميه ؟

والله شي غريب


يعني هالجم متر اللي جدام البيت بيبنون فيها وزاره مثلاً؟

والله شي عجيب


على فكره دولة قطر بعد ما حبايبنا كسروا دواوينا

نزلوا قرار اي واحد جدام بيته ارتداد يستغله باللي يبي

وبدال الدوانيه حط دوانيتين


وراحت دواوينا لقطر


المفروض الدواوين يقننونها

واحنا املنا في شيوخنا وبمجلسنا القادم كبير

حفظ الله الكويت وشعبها من كل مكروه

تحياتي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘