Wednesday, June 18, 2008

صبـاح سيليزيا

أبدأ بالصـلاة
أستعجل في لملمة الأشياء
وأتوكل على الله
وأنا متأخره تقريباً
الطريق مزدحم جداً عند أول شارع
" ليس كالعادة"
ما الذي حدث حتى يتوقف السيـر؟؟
ينتابني شعور بالغضب قليلا لبعض تصرفات هذا الشعب
إن كان حادثاً بسيطاً جداً يقف الشارع كله للمشاهدة فقط !؟
تصرف أحمق كصاحبه
وما أن ظننت هذا حتى أتفاجأ بسيارات عمليات الإنقاذ بكل أشكالها
نفتح لهم الطريق بسرعة
ويتحرك السير شيئاً فشيئاً
لأجد نفسي وصلت إلى مكان المأساه
فأرى رجلين من الجنسية الآسيوية كانوا دائبين في عملهم منذ الصباح المبكر
بسيارتهم يعملون محاولين تنظيف شوارعنا ولو بدرجة بسيطة ..لنا
دون مبالاة بسوء الأحوال الجوية
فتحدث مشيئة الله سيارتهم فوقهم وهم تحتها
أردت أن أكمل طريقي ولكني اضطريت للوقوف ..
حتى ينقلوا أحد هذين الرجلين إلى سيارة الإسعاف أمامي
فتقتلني نظرة هذا الرجل المصاب بكل أجزاء جسمه
ورجال الأسعاف يركضون به حاملينه بأيدهم
لينظر هو إلى صديقه الذي كان معه
دون أن يهتم بما فيه هو
نظرة .. لا أعرف كيف أعبر عنها
العيون كانت غارقه بالتفكير
هل سيعيش صديقي ؟ أم لا
كانت أيضا تدعي ربها
كانت مليئة بالدموع دون بكاء ولا حتى صراخ ..
رغم الألم الواضح جداً
قتلتني تلك النظرة
فأبدأ أنا بالبكاء بدلاً عنه
أكمل طريقي
ولكن
ما زلت أدعي ربي أن يكون كلاهما بخير
------
استنتاجاتي
1-
قد تحب شخصاً تعشقه ويعشقك .. ولكن لا بأس بأن تنصدم به
2-
كثير منا "هنا" .. يحمل أفكار لا يعرف صحتها من بطلانها ويفتح كل القيود وهو بالأساس " نقيض نفسه"!؟
3-
لأول مره أستوعب بأن هناك بين طالبات الجامعة من هم مريضات نفسياً !!!
تعرضت لموقف بهذا الخصوص وتفاجأت
ولهذا أريد أن أتحدث عنه وبشددددده ولكن اسمحوا لي بأن " أقلب عاميه أبرك "اذا ممكن
:p
------
أول محاضرة عندي الله يسلمكم في بنتين من أول يوم وهم مسوين لنا ازعاج بالكلاس كل شوي يقاطعون الدكتور " دكتور نبي جذي لالا مانبي جذي دكتووووور احنا البنات الشاطرات ولو سمحت اسمع كلامنا "
عفوا؟
على أي أساس إنتوا الشاطرات بالله في أشطر منكم بالكلاس ؟؟ احم احم
احنا باجي الطالبات كنا مخلينهم على راحتهم صراحه ومعطينهم جوهم
وانا قاعده اطالعهم حسيت إن هالبنتين عندهم حركات بايخه وراح تبين مع الايام
ولكن قلت لنفسي يابنت اسغفري ربج ولا تظنين فيهم ظن سوء وطنشت ..
عندي محاضرة ثانيه .. ولقيت ان هالبنتين معاي بعد !! قلت يالله ماعليه مالي شغل فيهم
هالمحاضره لأحد أروع دكاترتنا .. بدت المحاضره وكان الدكتور ياخذ راينا بتوصيف المقرر
وبدوا هالبنتين يعارضون من اول شي !! كماااااااان هنااااا
هم طنشت والله
بس
وزع الدكتور علينا ورقة فيها 20 موضوع .. طلب ان البنات يقرون المواضيع ومن 50 طالبه يبي 20 طالبه كل وحده منهم تختار أحد المواضيع وتتكلم عنه بوقته
وباجي الطالبات لهم نشاط ثاني
وصلت لي الورقه .. وقريت المواضيع .. لقيت موضوع واحد بس خارجي من كتاب ثاني
وهالكتاب يختص مقرر ثاني كنت ماخذته الكورس اللي طاف لنفس الدكتور
وبما إن الموضوع حلووووو وسهل وماخذته
وبوقت كانو كل البنات قاعدين يعارضضون هالشغله خصوصا هالبنت
رفعت ايدي .. دكتور لو سمحت .. أنا أبي موضوع رقم 9
استانس الدكتور وقال شفتواا في بنات يبون يختارون
ووحده من هالبنتين تعارض بشكل قوي وتطالعني
طنش فيهم الدكتور وقال بمرر لكم ورقه كل وحده تكتب اسمها عند الموضوع اللي تبيه
قمت أنا وكررت كلامي قلت ترا أنا موضوع رقم 9
وبما إني قاعده باللاين الثاني وواللاين الاول مافيه الا اربع بنات هالبنتين منهم
فوصلتلي الورقه مبجر
بس شنو اللي صار؟
ثلاث من هالبنات الاربع ماحددوا موضوع
والبنت اللي كانت تعارض وتعارض
اختارت موضوع
وأي موضوع؟
9
!!
كاتبه يممه اسمها
انا انصدمت
!! نعااااااااااااااااااااااااااااااااااااام
دكتور لو سمحت انا مختاره رقم 9 منو هذي اللي حاطته؟
وانا عارفتها اصلا
رد علي الدكتور معلش اختاري واحد ثاني
!!!! شكووووووووووووو
مابي ولا واحد ابي هذذاااااااا
جان تقوم هال ------ وتطالعني وتسكت
أيااااااااا بببببنتت الإييييييييييه
صار عندها حالة صمت فجأه جذي واللي يمها تضحك
تكفون
شسوي فيهم
تعرفون ياني شعور ودي اكفخها
:(
انا قاعده أسالكم شسوي فيها لأن صراحه حيرانه
شلون أذبحها؟
أبي افضل الطرق ولي يعافيكم

38 comments:

Enter-Q8 said...

تسجيل حضور بروح و برد

darkness said...

مساج الله بالخير

و الله يعديهم الشر و ان شاء الله الله يبعد عن الجميع المكروه

و اسم الله على قلبج من الخرعه


:(


و الله يعينج على هالاشكال

اشوه انه صيفي بسرعه يخلص


:)


ولهانه عليج

:)

Anonymous said...

دعميها بالسيارة ولا توقفين :)

bu saad said...

صج جليلة حيا...كل هذا عناد فيج!!
والله عيب ال سوته...انا انقهرت اكثر منج...الله يعينج عليها طول الكورس!!


اما الحادث بغيت اكون انا مكانهم لكن ربج ستر

Noor said...

ياصباح الورد

:(

الله يشفيهم ان شاءالله


و الله يعينج علي العاهات الي عندج
انا اتعسر اذا كان بالكلاس بنات جذي
:(
اقولج حقريهم ولا تنزلين نفسج لمستواهم و
تخيلهم موموجودين بالكلاس كلش
:)

صبا said...

هذا مو مرض نفسي الله يسلمج ؟؟

هذا مرض إجتماعي وسخ

تفاهه يبون يستضرفون ويلفون النظر بأي طريقه كانت وعلي احساب إزعاج الاخرين يعني بالكويتي ,,,

جليلين حيا خليهم يولون ولا تغثين نفسج يا وخيتي الغاليه

وسلامتج من الشر وحوادث الطرق
والله يحفظج من كل شي مو زين يارب

تحياتي :***

بو محمد said...

أختي سيليزيا
أحيانا نخظأ بان نجعل لمن هم يفتقرون لأدنى درجات الذوق و الأدب قدرا من وقتنا و أعصابنا و اهتمامنا
خليهم بدربهم و امشي انتي بدربج
ما يشوفون شر
و لا تشوفين منهم شر إن شاء الله
دمت و الأحبة بأحسن الأحوال

5roofa said...

حرتنيييييييييي

وااي شنو هالقوات العيين امبييي

انزين مسحي اسمها و حطي اسمج لوول مايصير؟؟؟

salamz sis...

Blog 3amty said...

ما تقدرين على جذي بشر، تربيتج ما تسمحلج تدشين وياهم بتحدي، راح يكونون دوم هم الفايزين !


أعرف هالنمونة من البشر الهيلق، اللي تستحي وما تنتخي، ماكو فايدة فيهم الطناش وكبري راسج عنهم أحسلج

david santos said...

I loved this post, SelezYa!
Happy Day

Eng_Q8 said...

انا اقولج عقب اول امتحان خلصي بسرعه وقولي حق الدكتور الامتحان وايد سهل واسهل من مستوى طالبات كبرنا ياليت اطحطلنا اسئله اصعب واطول شوي واذا يصير خلنا نشرح المواضيع بالامتحان

وانتي ييبي قل مارك واهم اييبون سي :)

حمد said...

انا مع مهندس كويتي

خوووش فكرة

JooRiiỴậẫ20 ; )»>;* said...

Gaahaaaaaaar !!

~FaHaD iN MiND~ said...

3adi 7egreha o 3a6eha 6aaf ma teste7i fa laish t7e6en dobch dobha .. ekhtari mawtho3 thani a7la menha o kesray 3enha .. o 3amleha ehya wel 6ofa wa7ed :)

the.thinker said...

هلا اختي سليزيا شلوونج .. عسى الله يشفيهم ان شاء الله .. طبعا هالدعوه حق اللي مسوين حادث وحق البنات اللي مأذينج ^_^

يعطيج ألف عافية :)

Selezya said...

enter-q8


وينك ما رديت طقيت الكرت؟ ترا انحسبلك غياب

Selezya said...

جــارة القمر

:** اول شي الله يخليج لنا انشالله

الله يعييني عليهم والله صج راح انغث مع ان طبعي والله اطنش فوق ماتتصورين
بس لو مو هالحركه
جان
اخخ

الله يسمع منج ويخلص بسرعه لان جد مضيق خلقي الدوام


:*

Selezya said...

محسـد


تعال ادعمها بدالي

بس خايفه عليك تدعمها وتروح فيها انت .. ماتسوى تصير هالشغله على بنت مثلها
صح ولا لا

Selezya said...

بـو سعد

@@ لا سمالله عليك تكفه الا هالشي دير بالك وانت تسوق

والبنت خلها على الله شسوي فيها

Selezya said...

نـوور


1- آمين يارب

2- اول مره يصادفني بنات هالنوع
فبشوف نفسي معاهم عادتي اطنش ولا اهتم
تستريح اهي والموضوع

ويمكن بعد خيره :)

Selezya said...

صبـاا


انتي وينج :( ودي اقرى موضوع يديد والله كل شوي ادش اجيك
يالله لا تطولين

:**

مازيد على كلامج حبيبتي
اهي المريضه
والله يعينها

Selezya said...

بو محمد

أولا : ياهلا من زارنا
ولكم باك يالغالي

ثانيا
:
صدقني اخوي بو محمد بوقت هالموقف ماكان واضح علي أي نوع من الغضب بالعكس عفويا ماعطيتها ويهه وطنشت فيها
بس داخليا انصدمت من الموقف و لو انها حزت خاطر كتبتها لكم هني عشان أفش خلئي بهالموضوع
لا اكثر ولا اقل
كذا ولا كذا ماكو أي اهتمام لهم وبدل هالموضوع الف غيره
:)
لوما ثقتي بنفسي جان ما سكت

لكن مضمون الفكره .. إن للاسف في بنات جامعيات و " تربويات" باجر بيربون أجيال يحملون نوع من هالوقاحه

ضاق خلقي لان مو كفو هالبنات يكونون موجودين معانا يسمعون نفس اللي نسمعه من دكاترتنا وللاسف يتعلمون " أصول التربيه " وهم مادروا عنها ولا هي فيهم اصلا


أتمنى إني وضحت الصوره اكثر الحين :)

ولا تقاطع
تراك عزيز وغالي ماتدري الكومنتس شكثر فرحني
:)
تحياتي لك

Selezya said...

خـرووفه

امبله كنت اقدر :) وطرت على بالي

بس كبرت عقلي شوي :)

:*

تهقين هذي كفو تصير مدرسه؟

Selezya said...

بلوق عمتي

هذا اللي صار :)
لا تحاتي
بس مو عاجبني هالاشكال يصيرون مدرسات باجر ودام فيه هالنوع معناته في اميه غيرها
لازم ينقرضون ولا ماكو فايده :)

Selezya said...

david santos

merci ;)

Selezya said...

مهندس

لوول

خوش فكره :)

Selezya said...

حمد

انا عجبتني بعد بس شذنبي اييب الامتحان الثاني صعب وانا اكلها معاهم ؟
:p

Selezya said...

جــوريـه


لا مو قهر

إلا
وقاحه !


تشرفت بزيارتج :)
لا تحرمينا

Selezya said...

فهـد عالبال

هوووااا ده اللي حصصصل

:D

Selezya said...

المفكـر


آمين انشالله
:)

Anonymous said...

مره ثانيه لا تقولين شي جدام هاليهال و سوي شغلج بهدوء

هذيلا شكلهم لي الحين بعقلية الثانوية

Anonymous said...

صاجة .. تسلمين

عيل تصرفي ولا كأنها موجودة معاج بالكلاس

Salah said...

الله يشفيهم

مساكين

والله يعينج على العناد!

Mok said...

عندي لج خوش محاضرة في مدونتي تعالي شوفيها من خلال الفيديو

kazmawy said...

ههههه
والله دعلة الله يعينج عليهم
انا اقول صكيهم زفة سنعة او جعميهم يقلبون ويوهم عنج مرة وحدة..خليج قشررررة:)
لووووووول

Selezya said...

anonymous

انشالله :) شسوي ابتلشت فيهم


======



محسـد


الله يسلمك ;)

========



صـلاح


عنيدين على نفسهم مو علينا :)



========


مـوك


ليش ليش
:((


====


كظماوي


كككككك

مايستاهلون والله

bo_sale7 said...

السلام عليكم
ادري الموضوع قديم بس شدني الحقيقة
شوفي النفس البشرية معقدة ...بس هم بنفس الوقت سهلة :)

مالي داعي تعرفين ليش هالبنات سوو جذيه ..المهم انج عرفتي ردة فعلهم
حلو .... المرة الياية اختاري موضوع صعب جدا وقولي اختيارج بصوت عالي واكيد الحلوة راح تطب بالمطب وتاكله عوافي :)

دلـــوو( فـيـلـكـاويـة ) ووعـــه said...

أنا اقولج احلى واحسن حل.
كان عندي بالمعهد جذي بنات معاي بالكلاس وأنا كنت تقريبا اصغر وحده فيهم..
وكنت كشيخه كله ألبس بدلات وجنزات وبنطلونات وبديات وإن لبست تنانير أكون زقرتيه بلبسي حتى إن بعض الدكاتره يكفلوني بكل الشغلات اللي يبونها مثلا يطرشوني لأي مكان يبونه
المعهم انا كان هذا ستايلي أما باجي البنات تلقينهم لابسين عبي واللي تلبس بدله تلقين جسمها (لاحول الله ولا قوه- لايحسد عليه صراحه) ، وحطو علي مجموعه منهم
المهم كنت كل ما أدش الكلاس أشوفهم يتساسرون ويطالعوني واللي تقط نقزات ونظرات وكلمات الله لا يوريج
تدرين شنو كنت اسوي معاهم؟
ردي الوحيد أهو الحقران يقطع المصران
كنت احقرهم ولما امشي ولا كأني اطالعهم ولما ادخل الكلاس واشوفهم قاعدين بروحهم ما اسلم ولا اشوفهم اخر شي انبطت جبدهم زيادة وانقهرو وملو بروحهم و وخرو عني ..
نصيحتي لج اتبعي طريقتي الجنونية .. :)