Monday, June 9, 2008

السلام عليكم

:D

شلوونكم عسـاكم بخير .. اوووف من زمان مو منزله بوست .. ادري والله صايره قاطعه حيل بس الظرووف اقوى انشغلت وانتو تدرون بعد حوسة امتحاناتي وشركاتي ووزاراتي وعقاراتي وريلي وعيالي لازم تعذروني

:P

لالا صج والله مشتاقتلكم كتير بس جد الدراسه شوي عطلتني
اييه الامتحانات بدعت فيها صراحه كلهم اربع مواد واثنين منهم حلوين واثنين اخوي الصغير يحلهم


اول امتحان كنت متوقعه حده صعب والاجواء قبله الكل خايف دشينا ولا الامتحان ورقتين واقعد انا بدقيقه اخلصهم كلهم واقول ببالي والله خوووش امتحان حده سهل ومتاكده من كل اجوبتي تخيلوا توقعت الكل مستانس وعاجبه الامتحان طلعت وانا الابتسامه شاقتني وبس ايي صوب اللي خلصوا ولا الكل " امبييييييييه صعب وصعب وصعب ويدعون عليه " انا هني صراحه خقييت وتنحت سالوني ها شسويتي مادري ليش طلعت مني هالكلمه " حسبي الله عليه الدكتور ليش جذي معطينه امتحان صعب " لوووووووول انا قلتها هني واقعد افكر انا شقلت !! مادري والله ليش قلت جذي .. ولا قبل لا اطلع انا مندمجه بورقتي ولا الدكتور يسال منو خلص جان ارفع ايدي شوي ولا اسمع احد يمي يطق بالقلم على ورقته حييل لفيت ويهي ولا في واحد قاعد يغش مني @@ جنه يقول لا تقومين قعدي هني توهقت ياربي شسوي خفت منه شكله عصبي جان اسوي روحي ما ادري واخليه يشوف الورقه هههههه يحليله ترا تلقونه يدعيلي لان يبت بهالماده A يعني اشكره الامتحان كله صح

وبامتحان ثاني قاعده جدام الدكتور وابتلشت اي شي اكتبه يقعد يطالع وانا اساسا دارسه وكل شي تمام الاسئله عارفتها وعارفه الاجوبه ماقدرت اتحمل واهو يطالع ماحب اقعد اشك باجوبتي جان اروح حق الاسئله اللي حالتها صح ومتاكده منها امسحها واشطب عليها حيل واروح احط اجابه مااالهاا شغلللل تقريبا حق 7 اسئله اهو هني انصدم وتنرفزززز تعرفون اللي قام يهز ريوله وايد ارتفع ضغطه وده يقول لاااا اجابتج صححح ليمن قام وقعد بعيد عني جان اروح ارد اغير الاجوبه وارد الصح لوول عالاقل ارتحتتت بس استانست نجحت الخطه

:D وعدووو على خير الحمدلله كلهم


----

ومن جهة أخرى ، كان مفروض نروح عمره اول ما خلصت امتحاناتي لي قبل الصيفي يعني تقريبا 4 ايام كنت حدي حدي مستانسه وبس ابي اخلص امتحانات عشان العمره لان صراحه انا عمري ماعمرت لان للاسف كل مره الوالده والوالد يروحون بروحهم ويوم حنييت الا اروح وقبل الصيفي و اتفقنا نروح لكن فجأه طلعت لنا سالفه قوية صراحه كنسلت هالعمره ضاااق خلقي بس انشالله خيره اجلناها لي شهر 8 مع السفره الثانيه عسى الله يرزقنيييي فيها وبحجه بعد قولوو اميين

-----
ومن جهة أخرى أيضا، ترا عندي سوالف وايد من زمان مو مسولفه معاكم فخلوني على راحتي ، المهم الييييييوم ههههههه سويت شغله اول مره بحياتي اتجرأ واسويها اهي شغله يمكن عاديه بس انا عمري ما سويتها ، عموما الساعه 2 الظهر قاعده بداري بروحي شابكه ومشغله الاستريو حاطه على كويت اف ام ولا في برنامج مسابقات اسمه يا تصيب يا تخيب قاعده اسمع واحوس بالنت ، تخيلوو بسسسسس اسمع مو مفكره بشي ثاني كلش ولا طرا على بالي اصلا ، شوي ولا المذيعين يقولون اللي يدز ايميل لنا الحين الحين راح ندق عليه وهذي كلمة رياييل ، هني تنحت قلت كلمة رياييل؟ خل نجرب كلمتهم لوول قدها ولا لا بس اشكره مو قدها ولا عفوييييياااا اروح افتح الايميل واكتب الاسم ورقمي وادزه ماكااااان ببالي شي ادري ماراح يدقون ولا شي جان اطلع من الصفحه والله دقيييقه بس دقييقه ولا تلفوني يدق @@ لوووووووووووووووووول هااااااااااااااااا؟؟ دقوووو امبيييه والله قمت اناقزز بالغرفه ارد ولا ما ارد يتني رهبه مو طبيعيه قلت يبه خل ارد واشوف شسالفه جان يطلعلي واحد قال انتي فلانه ؟ قلت اي قال زين يلا دقيقه وتشاركين تجهزي ههههههههه امبيه ماعرف والكل قبلي كان من اول سؤال يخسرون ويوم سالوني عديت اول سؤال @@ وعديت الثاني !! وعديت الثالث!! وعديت الرابع@@ لكن الخامس اخخخخخخخ يالقهررر خربتها امبيه انقهرررررت معني موو بالي اشارك اصلا تعرفون ياني احساس ادمان غصب افوز لوووول جان اقوم وادز اسم اختي ورقمها ههههههههه الله يستر يمكن باجر يدقون . انا يوم صكرته منهم قعدت بالغرفه خايفه حاسه مسويه شي مو طبيعي ولا الوالد ياني قمت اضحك مادري ليش جان يقول انتي مسويه بلوه قولي قولي هههههههه جان اعترف على طوول قال حسافه لو قايله جان ساعدتج لوووول هني ارتحت واقوم وانشر السالفه حق الكل وكاه يا دوركم قلتلكم
:p


-----
من جهة لووووول اي اي بعد من جهه اخرى :p
بس عاد هذي حق البنات الرياييل مالهم شغل
المهم

بنوتات عرس اقرب وحده لي رفيجتي بعد اسبوعين تقريبا وشي امس رايحتلها اشوف شنو شرت وشنو باجي عشان نروح نكملهم وببالي ان اكيد شغلات بسيطه اللي بقت ما خلصت .. بس انصدمت تخيلوا موو شاريه شي @@ او بالاحرى اهم شغلات مووو شاريتهم كلش كلش ينييييييت شنوووو هذاااااااااااااااا اووووووووله ماايمدييييي يعني تخيلوا سوالف اكسسوارات عند ريلها ما شرت ومسكتها مالت ليله العرس ماشرتها والمصوره ما حجزتها و عقد العرس ما شرته امبييييييه والله شغلات وايد بعد لدرجه ان يوم مسكت ورقة وقلم قلت بكتب شنو ناقصها عشان اروح اكمله لها لان جد ما اقدر اعتمد عليها جان يطلعون ورقتين !! حاسه جني انا اللي بتزوج وحدي قاعده احاتي اذا بخلص الاغراض مبجر ولا لا لان الوقت قرب يخلص وبروح من اليوم اشتري شكلي بنام بالسوق من الصبح لي بليل ويالله يالله يمدي بعد الله يسترر انا الصيفي يوم الاحد 15-6 يعني بتصير دراسه وحوسة تجهيز عروستنا الله يعييييييين


يالله الحين الرياييل عادي يقرون :p


بس خلاص :) اشووفكم على خير انشالله .. اتوقع راح اطول شوي على ما انزل شي يديد سامحوني بس والله الصيفي اذيه ومن اخلصه راح اسافر ..

ديروا بالكم على نفسكم

ودعتكم الله

مع السلامه :)

19 comments:

Dalal said...

يا هلااااااااااا وغلاااااااااا

بسيليزيتنا

هلا والله بالطشششش والرشششش وماي الورد اللي بالغرشششش

يالله دام غيبتج حق الامتحانات مسموحه

سيليزيا ضحكت صج من سوالفج ، الامتحان صعب ها ؟ :)

عن طاري دكتورج اللي يطالع اجاباتج انا مره دكتوري التاريخ وقف عند راسي ويقششني :) لا تشوفين شنو صار فيني صرت لا أسمع لا أرى لا أتكلم ، انسطلت تخيلي أول شي صعقني بدلوله ؟؟ نعم دلوله ؟؟ أهلي يدلعوني دلول انت تقولي دلوله ؟؟ خيييييييييييييييير اشتبي ؟؟

جذي واقف يقرا الاجابات عند راسي وانا تبلدت ما عرفت أحل وتٌرني حده بس قعتد أسوي عمري أقرا الاسئلة ولا جني متوتره يعني
:)
وعقبها نقلني الاجابات امبيه عاد ما سمعت عنه شي جذي ، أقول بقلبي هذا من صج قاعد يقششني ؟؟

بس دلوله بدع فيها :)

موفقه ورفيجتج حرام ساعديها واذا تبين أي شي أي خدمات أي مساعده حاضرين للطيبين

Blog 3amty said...

A !


مصيبه أم قليب !

------------


طبعاً هذا الكلام على لسان عمتي أنا مالي شغل

أنا أقول الله يوفقج وترجعين لنا بالشهادة الكبيرة

:P

Blog 3amty

Salah said...

موفقة
إن شاء الله

:)

فتى الجبل said...

الله يوفجج ان شاء الله
واهلا وسهلا بردتج لنا

Anonymous said...

الله يوفقج
وتردين بالسلامة

charisma said...

يا حلوج يا سيليزيه ويا حلو سوالفج
:))

سالفة الامتحاان يا انتى محببه يا انتى صج دارسه عدل ومن جذى شفتيه سهل وحليتيه بسرعه
:))

ان شاءالله كل درجاتج تطلع مثل ما توقعتيها واحسن
الله يوفقج
:*

والعمره ان شاءالله الله يكتبها لج وبعدها حجه وخيره ما تدرين
:)

امااا سالفة المسابقه
لووووووووووووول
بدعتاى ههههههههههههه
اتخيل شكلج :))

حافظج الله حبيبتى
:*

حياتي هدف مو عبث said...

الله يوفقج إن شاء الله

والله يعيينج على الصيفي بس ان شاء الله تتسهل عليج اموورج


والله يكتب لج العمرة والحج :*

5roofa said...

هاااي حمدالله على السلامة و قرت عييييييينج على الامتحانات لوول

والله يعينج على حوسة العرس لانه انا حايسه مع بنت خالتي و بموووووت من التعب

يالله عاد مو طولين علينا وااايد
:D

salamz sis...

very.q8ya said...

LOOOOOOOOOOOOOOOOOL!!! 7ASAFA MA FIZTAAAAAAAY!!!! way 3ad selezeyoo, intay lama shiftay 3omrech 6eftay il thaaalith, chan gelteelah bs bs waggif, baaakhith il ja'eza 3ind il so'al ilthalith, Eshmaala il tefelsef 7ajeyya? =E

bathbe7ech bathbe7ech .. bs wanasa mo??????? ANA EMSAWAT'HA EB MARINA FM KAAAAAAAAAAAAAAAK LOOOOOL.. fizzzzzzzzt eb 100DOLAAAAAAR ;~) ayyaaam barnamaj Re-action, hal7achy awwal ma baleshaw, chan afoozzzzz ,,, bs ma siwat 3alay, ga6et'ha 3ala mokalamatee LOOOL 3ama eb 3ainhom eshfe6aw floos il msgat =[

~FaHaD iN MiND~ said...

mabrook 3ala ur friend o dont worry enshala yamdi bs allah yhadaha 7adha barda ma bagi shay o kel hatha mo emsaweta .. wish u the best enshala bel 9aify o bel grades o eb 3irs rfejtch :)

darkness said...

اول شي اناااااااااااااااااااااااااااااااا حديييييييييييييييييييييييييييييييييييييييييييييييييييييييي مشتاااااااقه لج

ثاني شي يا رب نفرح فيج و نجهزج كلنا و تعزمينا على عرسج قريب


ثالث شي قدهااا و قدوووود و مبروووك انج خلصتي و عقبال ما تتخرجين


رابع شي ماااا قبووول ماكو لا تغيبين عنا مكانج امبين حده

خامس شي ان شاء الله الله يكتب لج العمره

:)

صبا said...

هلا سلوووووووووووووووز

شخبارج شخبار النتايج انشالله
تمام

عسي الله يوفقج يارب

والله يعينج علي جهاز العرس هم ما بعده هم ؟؟

مجربتها ويا اختي وريفيجتي
وعلي قولتهم العروسه للعريس والجري للمتاعيس ,,,,,

الي اهمه طبعا احنا:)))))))))
,,,
والفال لج انشالله يارب

,,,
واذا فزتي بالجائزه النص بالنص

وراعي النصيفه سالم ياخيتي
؛)))

تحياتي

Selezya said...

:((

رديت عليكم والله يمكن فوق اربع مرات بس كله ما يطلع وسويت ريستارت :((

تعبت من كثر ما اعيد واكتب

بس عموما عسى الله ما يحرمني منكم كلكم :**

تسلمولي

Najmah said...

اهلييييييين
احنا بخير عسااج بخير
وولهنا علييج
ومن جهة اخرى اقرا بوستج
وانا ميتة من الضحك
:P
لووووووول بدعتي
وعلى طاري الدكتور
واااااي تدرين شنو توترني هالحركة
كل مرة اهد القلم مااكتب لما يروح
شكلي المرة الياية بسوي نفسج
:P

ومن جهة اخرى المرة الياية لما تشاركين قوليلنا
:P
ومن جهة أخرى مبرووووووووووك حق رفيجتج
والفال لج ونفرح فيج يارب
: ))
وعسى ربي يوفقج ويسهل كل امورج حبيبتي
:*

mantovani said...

اللله يوفقج انشالله
و تروحين العمرة

و الله يوفقج بالصيفي و تاخذين احلى الدرجات

و نشوفج بالبوست الياي


مانتوفاني

Eng_Q8 said...

ما ينخاف عليج بالدراسه :p

Kuwait said...

مبروووك على انج خلصتي امتحانات ..
والله يعينج على الصيفي ..
اتوقع الكورس العادي رغم انه طويل لكن ارحم مليون مره من الصيفي ..
الصيفي عذاااااااب ..
والله يكتب لج عمره ان شاء الله قريبه قبل شهر 8 بعد ..
الله يعطيج العافيه على البوست والبلوق الحلووو ..
تقبلي مروري ..
kuwait

سيدة نفسي said...

:) السلام عليكم والاكرام

اللي يقرا البوست يتأكد من الكبت والظيم اللي كنتي فيهم

الله يعينج ويوفقج ومبروك ان شاء الله النجاح يا عسى تتهنين بفرحته دوم

وبخصوص العرس اذا تبين بدل رسمية وبأسعار زينة محل الخطوط الذهبية في مجمع النقرة الشمالي بوفهد أو أم طلال خوش ناس وييبون بدلات حلوة ومرتبة لا بغت تدخل على حمولتها

:)

اسعار البدل ما بين 70 الى 100 او 100 وشي

وفي نفانيف عرس بس حيل الموديل بسيط عندهم شغل انجليز

:)

يارب نكون سوينا شي والف مبروك يا عل ربي يسخره لها ان شاء الله

دلـــوو( فـيـلـكـاويـة ) ووعـــه said...

هلاااااااااااااا باحلى سيليزيا :)
صراحه وانا قاعده اقرأ مواقفج وسوالفج كلها ورب الكعبه اندمج وتلقيني مره وحده اضحك لا وبصوت عالي
تبين الصج مواقفج كلها تضحك وحلوه ومشكووووووووره واااااااااااايد واااااااااايد لانج خليتينا نضحك من سوالفج عالاقل مثل ما يقولون رسمتي البسمه على شفاتنا
الله يحفظج انشالله
ويخليج لاهلج ويخليهم لج يارب
تقبلي تحياتي ومروري..