Monday, December 29, 2008

سنـة خيـر ؟ غلـطانين




بسم الله الرحمن الرحيم

أغيثـوا غـزة .. أول جملة أبدي فيها موضوعي بوقت تدمع فيه عيوني وقلبي وكياني للي قاعد يصير بغزة .. سبحان الله هالوطن مو يمك وممكن تكون ماتعرف اي شخص فيه بس فطرة الاسلام تشيج كل اللي فيك ، احساسي فناس دينهم نفس ديني ، لغتهم نفس لغتي ، عاداتهم نفس عاداتي يخليني ما ارضى عليهم بكلمة بس تجرح ، فما بالكم اني اشوفهم يموتون جدامي ولا أسوي شي !! أنا اسفه .. ما اقدر أتحمل وأرضى بهالشي .. تكفوون تكفووون لي متى ساكتين .. لي متى نطالع ومانسوي شي .. لي متى نقعد لاهين باتفه الاشياء .. لي متى نسولف بسوالف بايخه ماتودي ولا تييب .. لي متى بعد اللي صار بغزة الناس تهنئ وتقول كل عام وانتو بخير على السنه اليديدة .. أي سنة يديده تتكلمون عنها ؟ هذي سنه؟ هذي بداية ؟ هذا ضمير؟ هذا تفكير ؟ هذي عقلية؟ هذا دين؟ مابي احد يبارك بهالسنه .. وين الخير ووطن يعتبر وطنا كلنا يموت اغلب شعبه ؟ من منو؟ من اخس خلق الله !

عمري ما ارضى ان احد يمس اهلي بكلمة ولا فعل شر ماهو خير واقعد ساكته .. نفس الشي ما راح ارضى باللي قاعد يصير هناك .. ليش الكويت ما تسوي شي .. ليش المسلمين لا صار شي راحو وسوو مؤتمرات وخرابيط ظاهرية بس ولا يسون شي بعدها .. الجيش الكويتي والعربي ليش قاعد ؟ ليش الكويت تدز صناديق اغاثة فلوس ولا اكل .. غزة ماتبي لا فلوسك ولا اكلك .. تبيك انت ترح وتوقف معاها بوجة الجندي الاسرائيلي .. الجيش خخلوه يروح خلوه يوقف وتعرف اسرائيل ان فلسطين كلها مو بروحها وان في أوطان وراها تصد لاي هجمة .. فدوه لها كل ارواحنا والله مو خسرانين شي كافي جدام ربي اموت شهيد .. والله حرام ياعالم والله والله والله مايصير .. كل ما اشوف اللي صار افكر لو الرسول عليه الصلاة والسلام موجود بهاللحظة شكان راح يسوي وأمته شكانت راح تسوي ؟ وانقهر لما اعرف الاجابة واعرف انها ماراح تصير لان ماعندنا ناس قلبها حي ..

أستملقت حيل تصرف بعض المدونين .. يعلقون عن كلمة د. وليد الطبطائي لما رفع نعاله وعلق انها بوجه العرب المتخاذلين .. فعلاً ناس سطحية لأبعد الحدود .. خلو المضمون وقاموا يعلقون على الحركه .. يبه عسا الله لا يكثر من امثالكم وعقولكم .. خلو عنكم هالتعليقات عالاقل الريال .. قلبــــــه حي ..

سـلام

Wednesday, December 17, 2008

go a head Viva :p

مرحبا


مو من عوايدي اشترك مع حملات أو انشر معاها

بس هالايميل حده عجبني لانه حده فيني وبلساني دايم


انا مع هالحملة وادافع عنها



=========



( فكر زين و فــنـــقـــر زيــــن )
فنقر زين....... لانها مصت حساب الكويتيين 15 سنة وتوها تبدأ عروضها الحلوه

فنقر زين....... لانها الشركة الوحيدة اللي تضيف دبل مكالماتك واذا كلمتهم قالوا بنسجلك طلب جنك اطر منهم وهم بايقينك

فنقر زين...... لانها حاولت توقف شركة فيفا اللي كسرت خشمها وسعد البراك يقول مو من صالح الشعب الكويتي تفتح شركة ثالثة والسوق الكويتي متشبع ,,, يالله شناطرين طلعوا

فنقر زين...... لانها ما احترمت الشعب الكويتي لـما فتحت بالسعودية وخلت كل مكالمتها الدولية بسعر محلي باستثناء الكويت ,,, عكس ما سوت فيفا وخلت المكالمات الدولية محلية بين شركاتها

فنقر زين....عشان تتأدب كل شركة ماتحترم الكويتيين وتعرف ان الكويتي زبون غالي وله كرامة

فنقر زين... عشان كافي عليها آلاف الـمليارات اللي طلعتها من فلوس الكويتيين وخلتها تفتح في كل الدول وياليت ذكرت فضل الكويتيين عليها ,, بس شاطرين يمدحون ادارتهم ويبينون انهم ادارة شاطرة وناجحة

فنقر زين... لانها عمرها ما فكرت توزع ارقام حلوه ابلاش واقل سعر لارقامها الحلوه مو اقل من 500 دينار
(( توني مطلعة خطي فيفا مو هين كلش وصلتني عروض عليه وكله ب 15 دينار ))

فنقر زين... لانك صرت تخاف تشتري خط لعيالك وبناتك منها ,, بسبب الدعايات الاباحية بالمسجات حق خدمات دردش وشارك واطلب نغمات وغيره وكل شوي تشتري حق عيالك كروت تعبئة


فكر زين....وفنقر زين.... فيفا والله واجد زين

=============

Saturday, December 6, 2008

HaPpy Eid






كــــل عـام وانــتم بخيـــــر


وعيــــدكم مبارك جميعاً



=========

خـــرووفه

هالعيد ذكرني فيج ولو انج والله دايم عالبال بس هالمره غيـر
فقدناج وانشالله ترجعين ونسمع اخر اخبارج وتكونين بخير

=========


احتمال اخذلي فتره اجازه تدوينية قصيره ماتعدي اسبوع اسبوعين فاسمحولي مقدما اذا قصرت

========


عيـد سعيـــد للجميــع

و
عطـله سعيــده

و

Have Fun

:***