Wednesday, December 17, 2008

go a head Viva :p

مرحبا


مو من عوايدي اشترك مع حملات أو انشر معاها

بس هالايميل حده عجبني لانه حده فيني وبلساني دايم


انا مع هالحملة وادافع عنها



=========



( فكر زين و فــنـــقـــر زيــــن )
فنقر زين....... لانها مصت حساب الكويتيين 15 سنة وتوها تبدأ عروضها الحلوه

فنقر زين....... لانها الشركة الوحيدة اللي تضيف دبل مكالماتك واذا كلمتهم قالوا بنسجلك طلب جنك اطر منهم وهم بايقينك

فنقر زين...... لانها حاولت توقف شركة فيفا اللي كسرت خشمها وسعد البراك يقول مو من صالح الشعب الكويتي تفتح شركة ثالثة والسوق الكويتي متشبع ,,, يالله شناطرين طلعوا

فنقر زين...... لانها ما احترمت الشعب الكويتي لـما فتحت بالسعودية وخلت كل مكالمتها الدولية بسعر محلي باستثناء الكويت ,,, عكس ما سوت فيفا وخلت المكالمات الدولية محلية بين شركاتها

فنقر زين....عشان تتأدب كل شركة ماتحترم الكويتيين وتعرف ان الكويتي زبون غالي وله كرامة

فنقر زين... عشان كافي عليها آلاف الـمليارات اللي طلعتها من فلوس الكويتيين وخلتها تفتح في كل الدول وياليت ذكرت فضل الكويتيين عليها ,, بس شاطرين يمدحون ادارتهم ويبينون انهم ادارة شاطرة وناجحة

فنقر زين... لانها عمرها ما فكرت توزع ارقام حلوه ابلاش واقل سعر لارقامها الحلوه مو اقل من 500 دينار
(( توني مطلعة خطي فيفا مو هين كلش وصلتني عروض عليه وكله ب 15 دينار ))

فنقر زين... لانك صرت تخاف تشتري خط لعيالك وبناتك منها ,, بسبب الدعايات الاباحية بالمسجات حق خدمات دردش وشارك واطلب نغمات وغيره وكل شوي تشتري حق عيالك كروت تعبئة


فكر زين....وفنقر زين.... فيفا والله واجد زين

=============

13 comments:

Enter-Q8 said...

مبطي حاذها من دريشة السارة على
سرعة 140كيلو متر بالساعة

Cloudy Stars said...

انا حدي ضايق خلقي اني ما حجزت لي رقم من فيفا

احس كل الارقام خلصت :(

Salah said...

الاسم موعاجبني
!viva

ليش! قلت الاسامي

Fankooshy said...

اي والله صج هالشركة اللي صارت علمية بسرعة قياسية وطلعت ارباح خيالية على مستوى باقي الشركات من فلوسنا
الحرامية الله يلعنهم
الحين بس بينوا على حقيقتهم عدل لما فتحت الشركة الثالثة
ولا قبل على كل شي يحاسبونة
داق ولا داقين عليك نفس الشي
اي والله فنقر زين

Fahad Al Askr said...

حاضر

أنا أصلا أتسبب عليهم وأبي سبب واحد علشان أفل منهم، هالدور سيليزية تقول عطهم فنقر

ما طلبتي شي

أحمد الحيدر said...

ههههههههههههه


والله انا شخصيا معطيني رقم واجد زين قصو علي قبل شهر باعوني ياه ب900 دينار

واحد اليوم عرض علي ألف بس خفت ابيعه واتوهق ما يعطوني فيفا رقم حلو .. وبعدين بصراحة يبيلهم فترة على ما يدشون السوق عدل :)

ZooZ ZaibG said...

نطروا المنافسه بتشتعل

بس الله يستر ما يتحدون علينا

مو يا اما ضرب بينهم واحنا المستفيدين

يا اما حرق اللي يحرق الاوادم خل نستربح

عثماني said...

وانا بعد معاج بالحملة

زين فعلا ناصبه علينا نصبه سنعة

:(

Shaima'a Alkandari said...

فيفا





يمدحونها وايد




عليج بالعافيه الخط


وزين مادري صج كانوا نصابين ويخورونها والحين كلوها عدل

لان فيفا فيها مميزات تضربهم عدل

وتطيح سوقهم

-mate said...

آنا رقمي زين ومابي اغيره لأن حساب شركات. معطين الوالد عرض وباسم الوالد الرقم

ومع العرض احسهم بايقيني!! بس ليلحين ما طلعوا فيفا عروض شركات

خليهم يطلعون وتلاقيني اول واحد إمغير رقمي

مشكورة على النقل
:)

SHAHAD said...

وانا بعد ويا فيفا
خووش خط عندي .. خطيييير : ))
جم رقمج خنسولف ببلاش لوول P :

الحارث بن همّام said...

وانا بعد وياكم

الفنان said...

والله انا معاكم
بهالحملة

ودي اليوم قبل باجر

بس ماقدر اغير تلفوني
ومافي بديل ناجح بداله
هذي مشكلتي اذا تحلونها
مثل السعودية تقدر تاخذ نفس رقمك
وخدمات احسن

جذي الشغل
بس الكويت خرطي ما منهم فايده