Saturday, March 14, 2009

موسم الأعراس .. متى تخلص :(

:(
من تقريبا سنه وانا خايفه من شهر 3 هذا .. ليشش ؟ لأن كل اهلنا ما عرفو يحطون عروسهم الا بهالشهر
اعييش بمووسم اعرااس حاليا
عندي 8 عروس وكلهم كلهم من اهلنا وقراب حيل وغصبن علي لازم اروح :(
متضايقه لان الخميس اللي طاف عرس والجمعه أمس عرس بعد @@ من لههه خللق تعبااااااانه
واللي صج يضيق الخلق الخميس الياي هم عرس والسبت هم عرس
يببببببببببووووووووي
شسوي تعبت :(
كل يوم ميك اب كل يوم تسريحه كل يوم رقص وهز بس خلاص تعبت :(
متى يخلص الشهر
خلصت فلوسي على الصالونات :(
==========
My Mood
يسـألوني .. ليتهم مثلي يعيشـــون الهـــوى
الأصابـع في اليديـن الواحــــــده ماهي سوى
عندهـم حبك طبيـعي ..عندي فوق المستوى
يسألوني ..وفي شفاتي يرتعش حـرّ الجواب
ما دروا إنت بحياتي راحتـي وإنـــت العـذاب
وإنت الحلم اللي عشقته..طار بي فوق السحاب

26 comments:

حياتي هدف مو عبث said...

ههههههههه
شووفي خلج بنفس المكياج لي العرس الياي
:p
الله يوفقكم ومبرووك لكل أعراسكم
وعقبااااالج
:*

Enter-Q8 said...

أشوة اني مو ماخذ منكم و الا عز الله بتخلص فلوسي على الصالونات من سبة المره
يالله الفال لك و تتعبينهم نفس ما تعبوك

أحمد الحيدر said...

ألف مبروك انشالله ..

والله لا يبلينا بعروس هالكثر بشهر واحد من اهل المدام ;p

اللهم لا حسد :)

والفال لج انشالله ..

nikon 8 said...

الله يزيد الأفراح ويكثرها
ويوفق كل المعاريس والعرايس بحياتهم الزوجيةويديم المحبة بينهم
:)

Fahad Al Askr said...

مدامتنا الغالية

نعيين ونعاون، عندج الكريدت كارد مال حسابنا المشترك، نفضيه بالعافية عليج، دام السالفة عروس ووناسة، وبعدين أنا ما عندي مشكلة بالميك أب، بس عندي مشكلة بالنفانيف اللي تارسة الكبت، وكل يوم زايرهم نفنفوف يديد، الكبت خلاص بيمشي من الهدوم

الله يديم عليكم الافراح

SHAHAD said...

من كل قلبي الله يعيييييينج

احنا عندنا عرس الثلااثا وحدي مستثقلة اروووح
شلون لو كانوا ورى بعض :/
مالهم أمل أصلا :/

مركبنا said...

واااااااااااااي الله يعينج

ميزانية تذبح تذبح

كل حفله بس يبي لها
المكياج والشعر 100 على الاقل
وااااااااي
لالا
موخوش
الله يعينج

أتيت متاخرة said...

حاسة فيني يا سيزليا
تعب العروس خاصة اذا متعودة على

نظام نوم معين
ويخترب مووووووووووت جسمجكله يتكسر
هذا غير الاستئذان من الدوام والقعدة بالصالون
وكل يوم فستان غير >>> يا ربي فلست
وتعبت يوم الخميس طلعتي من البيت 6 الصبح ما رديت الا اليمعة الفير من العرس
تعب ومصرف وشد اعصاب خاصة اذا كانوا كلش قريبين

عفره said...

من جد الله يعينج
مااا احب العروس الوايد
عرسين ورا بعض تطلع روحي
لو انا مكانج
انتحر

الفنان said...

الله يعينج
اقدر تعبج

لان اعرف سوالفكم البنات

اذا في عرس

يبيلكم يوم تضبط
واقل شي 250دك
ولا ما ايب راسكم
وال250 شوية عن البعض



يعني تعب بدني وخساير فلوس
بس لياقة بالصالة
خخخخ


يقولون الرقص احسن سوييدي حق الضعف
ابي ارفع معنوياتج
:)

AuThoress said...

للحين البنات يروحون العروس؟
رأيي بأنها مضيعة للوقت الوجهد والمال



متعبة جدا بالنسبة لي
قاطعتها منذ سنتين وارتحت ، ناس تتزوج مبروك لها وعليها

Common_Sense said...

يببببببببببووووووووي

لوول شكلك مطيحه بعروس الصعايدة

الحارث بن همّام said...

الفال لج انشالله

:: بـوح الصمـت :: said...

وييييي الله يعينج أكره العروووس :(

والله يوفقهم , ونفس ما يقولون المتزوجين أثنين

والميانين ألفين ;q

لا بالله إنخطبتي دامج رايحة كل هالعروس ;q

موفقه حبيبتي استمعت بمروري بمدونتج :*

عشان الكويت said...

عشـان الكويت .. نسعى للأفضل !


http://for-q8.blogspot.com

elq87obi said...

الله يزيد أفراحكم و يكثرها

:)

عاد الحريم ياحبهم للصالونات و العروس و الرقص غريبه انتي ما تبين عرس لوووول

سلامي لج :)

dalal said...

يعجبني اللي يفهمني :)

أمس رابع عرس رايحتله بشهر 3

وبعد اسوع عرس :)

my mood :

تحريتك اسنين طويله .. وانا خايف قلبك نساني

على شوفتك كل يوم وليله .. أعد الدقايق والثواني

:)

kazmawy said...

لووووووووووووووووول
يعني سيليزية جم وصلت الحرارة الحين
لووووووووووووووووول
يالله باقي يومين ويخلص شهر ثلاثة
السنة الياية هالوقت الله يعينج علي استقبالات الولادة والحمال
لووووووووووووووووول

ظبياني said...

عقبالج ان شاء الله

اجتماعي said...

رد متأخر .. بس ما عليه

الله يعطيج العافية

والفال لج :)

Shaima'a Alkandari said...

مادري




بس عن نفسي احس بوناسه لى صار عرس لان بعايلتنا بالتفق يصير عرس ووين ووين تصير مناسبه

بس اسمع عن هالحاله اللى تمرين فيها وايد

والله يعيييينج صج

بس لازم توجبينهم ومخاسير مخاسير بس ماعليه فتره وتعدي




واللى ادري عنه انى ولهت عليييييج وايد واشتقت لج وللكل يالغاليه



وج وحشه كثر العرووووووووووس والمخاسييييييييير بالديره وزوود

بريتني سبيرز said...

فتحت هذه المدونة لتحذير المبتدئين و الصالحين الذين لا يتوقعون من الغير ايذائهم لأنهم لم يرتكبوا أي جرم لكي يستحقوا الايذاء , اريد تحذير الجميع و التنويه من مشاغبات الهاكرز و هم اناس معتوهين و لا يملكون حياة يعيشونها فيلجؤا الى ايذاء غيرهم لتعويض النقص و الضعف الذي يعانون منه , و بما انني منافس و خصم قوي و عنيد واؤمن أن الله يريدنا أن نكون مصلحين و ليس صالحين فقط , لهذا سوف أحشر أنفي فيما لا يعنيني و أقوم بتوعية المبتدئين عن الطرق التي يستطيع أن يقتحم فيها الأجهزة و هي سهلة جدا , لكن لنبدء أولا بالمخاطر المترتبة عليها :

اختراق كاميرا جهاز اللاب توب


1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .

http://antihack-protect.blogspot.com/

fatto said...

وااي الله يعينج والله .. انا ماحب العروووس .. يضيق خلقي اذا انعزمت على عرس .. تعالي دوريلج بدله تعالي قعدي بالصالون ساعتين وتعالي ارتزي بالعرس ..

Blog 3amty said...

لما تتزوجين يخلص الموسم للأبد !

ولد الديرة said...

اشوه اني ريال

:>

Purple Velvet said...

انا ما عندي مشكله بالميك اب ممكن احط لنفسي ...خاصه انه بعض الصالونات تخلي البنات كلهم شبه بعض
انا مشكلتي الشعر خاصه انه كل فستان يبي له ستايل
يعني اذا مفتوح يبي له شعر مرفوع
مثلا
عموما صار لي قرن هالاشياء
اذا تبين احد يحضر مكانك انا حاضره
:)
بس قولي لي قبلها باسبوع عشان اشتري تذكره و منها اشوف الكويت